Текст на языке оригинала
Божиею милостию мы, великий государь царь и великий князь Михайло Федорович всеа Русии самодержец, пожаловали есмя Устюжны Железополские посадских лутчих, и середних, и молотчих, и всяких черных городцких людей, что били они нам (прим. 1) челом и положили перед нами жаловальную несудимую грамоту от устюженских намесников и их тиунов блаженные памяти деда нашего великого государя царя и великого князя Ивана Васильевича всеа Русии, а на наше царское имя та грамота не подписана, и нам бы их пожаловати, велети тое жаловальную грамоту переписать на наше царское имя. И мы, великий государь царь и великий князь Михайло Федорович всеа Русии самодержец, Устюжны Железополские посадских лутчих, и середних, и молотчих людей пожаловали, велели им тое грамоту переписати на наше царское имя против прежние жаловальные грамоты деда нашего царя и великого князя Ивана Васильевича всеа Русии Устюжны Железные посадские люди старосты, и целовальники, и сотцкие, и десятцкие, и все крестьяне лутчие, и середние, и молотчие люди от волостелина суда и от его пошлинных людей отставлены, а быти у них в судьях их же посадским людем, которых себе выберут всем своим посадом, а судити им по нашей грамоте. Взыщет хто на ком бою и грабежу до рубля или свыше того, и им того сыскивати всем посадом всеми людьми, и сыщут что на него бой и грабеж был и искал своего грабежу по животом, и им по тому ответчика обвинити. А скажут, что им бой был, а о грабеже им ведома нет, а ищея искал не по своим животом, и им тем ищеи винити, а скажет ищея, что у него отняли чюжие животы, и им того сыскивати, чье у него животы отняли, и обыщут того что у него чюжие животы были, а на грабеж видоков нет, и им в том присужати целованье з жеребья. А взыщет хто великих грабежев рублев до дватцати, или до тритцати, или свыше того, и им в том по тому ж обыскивати накрепко, а чего сыск не иметь, и им в том по тому ж присужати целованье з жеребья. А хто взыщет поклажея, и того сыскивати меж себя всеми людьми по тому ж по животом, а чего сыск не иметь, и им в том присужати целованье, а давати на ответчикову волю, хочет сам поцелует или под крест денги положит, и ищея, поцеловав, возмет. А хто взыщет пожеги, или душегубства, или розбоя, или татбы, и выборным судьям з губными старостами про того сыскивати всеми людьми. И скажут на кого всем посадом, ино ищее иск заплатити из ответчиковых животов, а что за тем останетца животов, и тот описывати на меня царя и великого князя Михаила Федоровича всеа Русии, а ответчика казнити смертною казнью. А послушествуют на кого в т[е]х же делех людей добрых человек до пятидесяти и до ста, а иные люди про него лиха не скажут ни которого, и на том исцово доправити, а самого вкинути в тюрьму до моего царя и великого князя Михаила Федоровича всеа Русии указу. А хто взыщет на ком тех же дел, а городцким людем сыскивати про то будет немочно, и им в тех делех присужати целованье з жеребья, и поцелует ищея, ино на ответчике исцово доправити, а самого дати на поруку, а не будет по нем поруки, ино его вкинути в тюрьму доколе по нем порука будет. А ищея пошлетца на послухи в заемном деле без кабалы, или в какове деле ни буди, и послухи, став меж себя, порознят, иные молвят в ысцовы речи, а иные в ысцовы речи не молвят, ни которые молвят в ысцовы речи, а попросят с ними те послухи поля, которые не молвят в ысцовы речи, ино им присужати целованье з жеребья, и по жеребью целуют послухи те, которые послушествовали в ысцовы речи, и тех послухов, которые в ысцовы речи не послушествовали, обвинити, а исцово имати по письму на ответчикех и на тех послухех, которые в ысцовы речи не послушествовали, а не попросят те послухи, которые послушествовали в ысцовы речи (прим. 2), ино тем ищея виноват. А по кабале порознят послухи и дьяк, ино по тому ж, а кого послух опослушествуют в бою, или в грабежу, или в займех, ино дати им целованье з жеребья, или, став у креста, даст ответчик целовати послухи з жеребья, или ответчик, не приводя к целованью, заплатит, в том воля, а вины в том ответчику нет. А будет в послухех поп или дьякон, и тех от послушества отставливати, а давати исцем меж себя правду з жеребья. А послух перед судей не придет, естли за ним речи нет ли, а доведет на него то пристав, и на том послухе исцово и убытки взяти. А хто взыщет человекех на трех или на четырех по жалобнице, а напишет в жалобнице человек десять, или пятнатцать, или больши, или меньши, и те два, или три за себя и за иных товарыщев отвечают, а за иных не отвечают, а за которых по жалобнице отвечают ино, тех судити в их жеребьех, а за которых людей по жалобнице не отвечают, ино в тех жеребьех посылати пристава. А которой человек взыщет бою и грабежу, и ответчик скажет, что бил, а не грабил, и ответчика в бою обвинити, а скажет, что грабил, а не бил, и на том грабеж доправити, хто скажет грабил, а в бою только не помирятца, ино им в том присужати в безчестье целованье з жеребья, ищея поцелует, и он // (л. 2) безчестье возмет, а ответчик поцелует, и он не даст ничего. А в ыных делех судити по тому ж хто в чем скажетца виноват, то на нем и взяти, а в достали суд и правда, крестное целованье. А безчестья посадским торговым людем пять рублев, а женам их безчестия против их безчестья вдвое, а крестьянину пашенному и непашенному безчестья рубль, а жене его безчестья два рубли, а черному молотчему человеку рубль ж, а женам их вдвое, а увечье указывати крестьянину, посмотря по увечью и по безчестью, и всяким указывати за увечье, посмотря по человеку и по увечью. А кого приведут с поличным впервые, ино его судити да про него обыскати, и назовут его в обыску лихим человеком, ино его пытати, и скажет на себя сам, ино его казнити смертною казнью, а не скажет на себя, ино его вкинути в тюрьму до смерти, а исцово заплатити из его статка, а скажут в обыски, что он доброй человек, и того полинново сыскивати судом и дело вершити по суду. А доведут на кого розбой, или душегубство, и пожег, и ябедничество, и подписки, или иное какое лихое дело, а будет ведомой лихой человек, и выборным судьям з губными старостами тех людей судити и управу им чинити по губным грамотам. А кто займет сколько денег в рост, и тем людем у них не служити ни у кого, жити им себе, а на деньги рост давати, а хто даст денег взаймы в рост, да того человека станет держати у себя и збежит у него тот человек, покрадчи, и что снесет, то у него пропало, а кабале денег лишен. А промеж дворов городити изгороду по половинам, а чьею изгородью учинитца убыток, и тому платити. А которые люди учнут искати на своих же посадчанех боев и грабежев ябедничеством двожды и трожды, и доведут на них в том всем посадом, и руки посадские люди к своим речам приложат, что те люди ябедничают, и тех ябедников по тому обыску бити кнутьем да выслати ис посадов, а животов их не грабити. А в которых будет делех излюбленным судьям крестьяном управы чинити не мочно, и они суда своего списки обоих исцов присылают к докладу к нам к Москве. А учнут излюбленные судьи судити непрямо, по посулом, а доведут на них то, и излюбленных судей в том казнити смертною казнью, а животы их велети имати да отдавати тем людем, хто на них доведет. А в суде и у записки у всяких дел у губных старост и у излюбленных судей сидети посадским лутчим крестьяном. А судные и обыскные списки и всякие дела губным старостам, и излюбленным судьям, и лутчим крестьяном велети писати дьяком земским перед собою, да к тем запискам губным старостам, и излюбленным судьям, и лутчим крестьяном, которые грамоте умеют, руки прикладывати да записки всяких дел держати за своими печатьм. А земским дьяком без них судных и обыскных никаких дел не записывати и у себя не держати никоторыми делы. А учнет земской дьячок судные, и обыскные, и всякие дела записывати ондин не перед губными старостами и не перед излюбленными судьями, или которые дела земской дьячок учнет держати у себя, а хто на них то доведет, и губным старостам, и излюбленным судьям, и дьячку земскому быти от нас кажненым смертною казнью, а животы их велети имати да отдавати тому, хто на них доведет. А будет пятно к тамге и к иным нашим пошлинам не придано, а дано будет бы волостелю (прим. 3), и хто на посаде купит лошадь, или продаст, или менит, и те все посадские люди лошади являю[т] выборным судьям, и те лошади суд и пятнять посадским пятном, а от пятна емлют по старине, как имали волостели и его пошлинники, а имяна людские и лошади в шерсть пишут в книги спору для, а которой человек купит лошадь, или продаст, или менит, и выборным судьям, хто на посаде не явит, да токова ж дни, и выборные судьи, уличив того, емлют на них пропетенье по Зудебнику. А хто у них на посаде женитца или хто выдаст дочерь замуж в волость, и выборные судьи новоженной убрус и выводную куницу емлют по старине. А которые иногородцы приедут в Устюжну Железную на посад каким делом ни буди и взыщет на посадчанех бою, грабежу или иных дел каких ни буди, и им управа давать по тому ж, как и устюжаном посадским людем, меж себя по сей грамоте, а встречно посадским людем на иногородцех перед своими судьями не отъискивать. А приезжаго человека торгового, или иного каково человека приезжего, изымают на Устюжне на посаде с поличным в татьбе, или в розбое, или в грабеже, и в тех делех судить, сыскивая по сему ж указу, да те списки и обоих исцов за списки присылают к нам к Москве к докладу, а без докладу им тех дел не вершити. А о которых делех в сей грамоте указ не написал, и те им дела вершить по Судебнику, а за волостелин и за его пошлинных людей присуд, и за дворское, и за всякие пошлины давати посадским людем по сошному розводу с сохи по пятнатцати рублев на год, да пошлин рубля по два алтына, а давати им тот оброк на Семен день Летопроводца, а збирати им тот оброк меж себя по животом, и по пашням, и по промыслом, а кому будет чего искати иных городов и волостей на устюженцех на посадских людех, и на выборных судьях, и на крестьянех, и о тех делех бьют челом дьяку нашему, и дьяк наш о том, докладывая нас, пристава на них дает и управу им чинит по нашему указу. Дана ся наша царская жаловальная грамота на Москве лета 7122-го месяца июня в 5 день. // Пошлин взято пол 8 рубли. (л. 1 об.) Царь и великий князь Михайло Федорович всеа Русии самодержец. (л. 1 об., 2 об., 1) Думной диак Петр Третьяков.