Отступная Терентия Григорьева Цивилева; 1517 г.; Архив СПбИИ РАН. РС. Ф. 5. Оп. 1. Д. 30.

Отступная Терентия Григорьева Цивилева с детьми на три участка

Акт

Отступная

Се яз, Терентей Григорьев сын Цивилев и с своими детми с Федором и с Назарьею, отступилися есмя…

А купчую грамоту писал дьяк Федка Еремеев сын лета 7 000 дватцать пятаго апреля 14 день.

14,2 на 19,2, текст: 17,5 на 13,3

1

Деталь буквицы, не отождествляется.

Се яз, Терентей Григорьев сын Цивилев и с своими детми с Федором и с Назарьею, отступилися есмя из добрыи воли великого князя земли, а своего посилья, в Заполской в полу(1)деревне трех участков Перхурью Тимофееву сыну и его братии, куда мои плуг ходил и коса, и топор, и со всими угодьи, оприч осот да Закарговскии земли, да оприч двора. А взял есми у него и у его братии на том посилье на трех участках шестьдесят алтын. Да и старую есми ему грамоту свою тое земли Шибутовскую выдал, ино нет мне, Терентью до того посилья дела никоторово, ни моим детем, продал есми Перхурью и его братье в дернь без выкупа и их детем. А озочну яз, Терентей, или мои сын которои ни буди в тои земле што ни буди, ино взяти на нас заставки на великого князя намесников два рубли денег московская, а служба нам югорская поход и приход по половинам, а дань и розрубы платити Терентью до Петрова дни. А на то муж Лука Семенов сын Шоптунов, да Захарья Кузмин сын, да Игнатей Кондратьев сын, да Левонтей Семенов сын. А купчую грамоту писал дьяк Федка Еремеев сын лета 7 000 дватцать пятаго апреля 14 день. (1) в полу вписано поверх строки.

1517

1517

1517-04-14

XVI в.