Духовная схимника Сергея Мануйлова; Вторая половина 1440-х — первая половина 1460-х гг. ОР РНБ. ОСАГ. Оп. 1. Д. 15.

Во имя Отца и Сына и Святого Духа. Се аз, раб Божии (Прим.: над конечным и второе титло) Сергеи чернець скимник Манылов сын, писал есмь рукописанье при своем животи. Дал есми святому Николи отчину свою вчасток свои, орамыи земли и пожни, и (Прим.: над и титло) братня вчастка Микитина половина во всемъ: на гори в лесном поли полоса земли; другая полоса земли в лесном же поли, выменял ею в Селюши в Павлова, а дал противу тое в Романови ве[ре]теи (Прим.: в ркп. ветеи) землю и з закраиною, конець Селюшины земли, а та мена моя чиста; в Замикитьи деревня по половинам с Федором, и дворище свое и пол огородца и пол телятника; а что (Прим.: в ркп. чсто с выносным с) перевесеща у Фоминых перевесещь два отчины моеи, а то з братом моим с Федором не делно; а что (Прим.: в ркп. чсто с выносным с) за Кергозером путик подли Нарву реку, то ми с Федором по половинамъ; у дедова Вогана пожня в Лости, а межа тое пожни с верхнего конца от Грихновы межи, то ми с Ведоромъ (Прим.: так в ркп.) по половинамъ; в Шевцеви пожня репеще пониже Фомины орамои земли и пожни кутець весь и с притеребом, то ми с Федо[ро]мъ (Прим.: в ркп. Федом) по половинам, и заложили есмя ту пожню с Федором Петру Родивонову в 30 белах до кун, и вы выкупите ее святому Николи. А что (Прим.: в ркп. чсто с выносным с) есмя заложили з братом моим с Федором Соболю Сави в Замикитьи (Прим.: над конечным и титло) лоскут земли, другии лоскут в Чицилови, 3-и (Прим.: над конечным и второе титло) лоскут на Романови веретеи в 40 белах, и вы мою половину выкупите святому Николи, даите 20 бел святому Николи. Свои вчасток и брата своего половину вчастка Микитина дал есми святому Николи и в веки по отца своего души, и по своеи души, и по роду по племяни. А на то Бог послух, и отець мои духовныи игумен Василеи святого Николы и вся братья.