Се яз, Иван, да яз, Аверкий, да яз, Михайло Михайловы дети Кологривовы, отдали есмы в дом Живоначалные Троицы Сийскаго манастыря игумену Галасею яже о Христе з братьею на Чепоурех в восми варницах полторы осмины росолу, а в црене в трех варницах, в варницы в роусяной пятонатцатая выть црена, и с кострищи, и со всеми угодьи, что отписал по своей душе в поменанье брат наш Фефилатей Болшак, а во иноцех Феодорит инок, по доуховной грамоте. А поминати игоуменоу яже о Христе з братьею отца нашего Нафанаила инока, да Фетенью, да Федорита инока. И данаю есми сию в дом Троицы дали, а на то моужи люди добрые Яков Матфеев сын Никитина, да Яков Никитин сын Жыткого, даною писал земьской дьяк Якоушка Васильев лета 7060 осмага марта 3 день.