Се яз, Ульяна Олександрова дочь, а Васильева жона Недоброго и со своим сыном с Ываном, отведе есмя после мужа своего смерти Василия Чуприяну Игнатьеву сыну Бутку пожню и с закраинами по закладной и по купьчей мужа своего Василья. А по ся мисть мне, Оульяны, и моему сыну Ивану дела нет до той пожни, что в закладной писана, ни нашим детям. А по сяков день Чюпреяну с той пожни платить дань и розрубы великого князя, и земскыя, и всякыя розрубы без вывета, и оброк, что доведеся от боярьщиников на ту пожню, и службы вперед, а задних потугов не платить. А на то послух Родивон Иванов сын Ратаев старой да Василей Харланпсиев сын Пята. А отводную писал дьяк николской Гашяк Онтонов сын лета з пятдесят перваго октября 15 день.