Се аз Володимер Иванов сын Кокошкина дал есми в дом Живоначалнои Троицы великому чюдотворцу Сергию и Никону и архимариту з братьею Варламу вотчину свою, отца своего благословенье, в Дмитровском уезде в Каменском стану деревню селцо Судниково на речке на Муравке с луги и с пашнею, и с пожнями и с лесом и со всеми угодьи, куды изстари плуг ходил и коса и соха, и топор ходил по старым межам впрок без выкупа для вечнаго покоя. А роду моему и племяни и матери то тое вотчины дела нет, и братье. А та моя вотчина отца моего и матери моей благословенье не заложена ни у кого, ни продана никому, ни закабалена нигде, ни в ыной монастырь по душе не отдана опричь Живоначалнои Троицы. И за тот меня Володимера вклад постричь у Живоначалные Троицы в дому, и тело мое грешное положити, и в сенаники в сельные написати в вечные. А хто роду моему и племяни станетца в ту мою вотчину вступатись, и им со мною суд будет пред Богом на втором Христове пришествие. А мне Володимеру в тои деревне Судникове жити, и пашня и оброк имати, и крестьяна владети, а после моего живота, ино в дом Живоначанои Троицы в вечнои поминок. А жене моеи и детем моим до тое вотчины дела нет до тое деревни Судникова. А на то послуси: Василеи Семенов сын Осорьина муромец, да Иван брат мои Иванов сын Кокошкина. А даную писал Васкя Остафьев сын. Лета 7085-го.