Договор Новгорода с Готским берегом и немецкими городами; 1191-1192 гг.; LVVA. Ф. 673. Оп. 4. Ящ. 18. Д. 3. Л. 1 об.

Договор Новгорода с Готским берегом и немецкими городами; 1191-1192 гг.; LVVA. Ф. 673. Оп. 4. Ящ. 18. Д. 3. Л. 1 об.

Договор Новгорода с Готским берегом и немецкими городами о мире, о посольских и торговых отношениях и о суде

Акт

Договор

Три позолоченных печати на шелковых шнурках малинового цвета (все печати были ранее отделены от списка и привязаны вторично; на литографиях Напиерского 1857 г. изображена первоначальная подвеска печатей (кроме печати архиепископа Далмата, которая изображена уже тогда привязанной к грамоте)): 1) «Печать всего Новгорода» (АПДР, т. 2, № 705–1), 2) князя Ярослава Ярославича (там же, № 382–1), 3) архиепископа Далмата (там же, № 454–1). В настоящее время печати 1 и 3 перепутаны местами.

1

Кириллица

Напиерский, Грамоты, касающиеся до сношений, № 1-б (с литографированным воспроизведением); РЛА, № 1, с. 1–2; LECUB, Bd. 6, № 3010, S. 401–402; ПИВН, № 1, с. 63 (по Напиерскому); ПИВНиП, № 43, с. 108–109 (по Напиерскому); ГВНП, № 28, с. 55–56; ПРП, вып. 2, с. 124–126 (по ГВНП); Русские и немцы. 1000 лет истории, искусства и культуры. [Каталог. 2012], с. 46, № 36 (фотография лицевой стороны грамоты); Russen und Deutsche. 1000 Jahre Kunst, Geschichte und Kultur. Katalog. [2013], S. 61, № I.48 (фотография лицевой стороны грамоты).

15.08.2023

Се яз, князь Ярослав Володимеричь, сгадав с посадникомь с Мирошкою и с тысяцкым Яковомь и с всеми новгородьци, потвердихом мира старого с посломь Арбоудомь и с всеми немьцкыми сыны и с гты и с всемь латиньскымь ясыкомь. Послал есмь посла своего Григоу на сеи (Прим.: возможно, правильнее сее) правде. Первое. Ходити новгородцю послоу и всякомоу новгородцю в мир в Немечьскоу (Прим.: в ркп. Немев Немечьскоу) землю и на Гъцк берегъ; такоже ходити немьчьм и гтяном в Новъгород без пакости, не обидим никымже. Аче боудеть соуд князю новгороцкъмоу Новегороде или немецкъмоу в Немчьх, а в томь мироу ити гостю домовь бес пакости. А кого Богь поставить князя, а с тем мира потвердить, любо ли земля без мироу станеть. А оже оубьють новгородца посла за морем или немецкыи посол Новегороде, то за тоу головоу 20 гривн серебра. А оже оубьють купчиноу новгородца или немчина коупчиноу Новегороде, то за тоу головоу 10 гривн серебра. А оже моужа свяжють без вины (Прим.: возможно, в переправлена из), то 12 гривн за сором старых коун. Оже оударять моужа ороужеемь любо колом, то 6 гривн за рану старые. Оже оупьхньть любо мятель роздрьть, то 3 гривны старые. Оже пошибаеть мужескоу жену любо дчьрь, то князю 40 гривн ветхыми (Прим.: конечная в строке ы написана сильно деформированной и правая вертикальная черта просматривается с трудом) кунами, а жене или моужьское дчери 40 гривно (Прим.: не исключено, что конечная выносная о написана ошибочно, так как двумя строками ниже имеется такая же выносная в слове простоволоса) ветхыми коунами. Оже съгренеть чюжее жене повои с головы или дщьри, явится простоволоса, 6 гривн старые за сором. Оже тяжа родится бес крови, снидутся послуси, и русь и немци, то вергуть жеребее; кому ся выимьть, роте шед, свою правду възмоуть. Оже емати скот варягоу на роусине или русину на варязе, а ся его заприть, то 12 мужь послухы, идеть роте, възметь свое. Оже родится тяжа в Немцех новгородцю, любо немчину Новегороде, то рубежа не творити, на другое лето жаловати; оже не правять, то, князю явя и людем, взяти свое оу гости, оже тяжа родится в Новегороде; оже тяжа родить в ыное земли в рускых городех, то оу тех свое тяже прашати, искати Новугороду не надобе, а тяжа на городы, а немчин свободь и новгороци. Оже придет в своеи лодьи в немецкои домовь, аче сам не поидьть в неи опять мужь, дасть кърмьникоу. Немчина не сажати в погреб Новегороде, ни новгородца в Немцьх, н емати свое оу виновата. Оже кто робу повержеть насильемь, а не соромить, то за обиду гривна; пакы ли соромить, собе свободна. Оже оубьють таль или поп новгороцкое или немецкъе Новегороде, то 20 гривн серебра за головоу.

1191-09-01

1191

1191

XII в.