Текст на языке оригинала
† Се доконча князь великыи Гюрги с братомь свои[мь великымь] княземь с Михаилом[ь], и с посадникомь, и с тыся[цкимь и] с всемь Но[вымьгородо]мь. Дати князю Михаилу [рубе]ж[ь] правыи [по старому руб]ежю межю Торжькомь и [Бежицами и] [межю всемь Новымьгород]омь, и межю Кашино[мь и Тферью], такоже [Михаилу князю Вол]огде по старому рубежю р[убежь] дати. А что В[асилиса кн]ягыни покупила села в Воло[где] и в Бежицко[мь уезде], имати еи куны у истьцев, [а земля къ] Свя)тои Софии, такоже и детем его, и княгыни его, и б[ояромъ] его в все княжень[е Ми]хаилово, знають своего [истьца], а земля бес кун С[вя)тои Софии. А будеть пр]и кня[зе Олександре] [кто отъял села в Новгородьскои волост]и и при [Ярославе] [при Василье при Дмитрие при Андрее, а то бес кун к Новугороду.] [А при Ярославе при Василье при] Дмитр[ие при Андрее кто бу][деть купил изъ] Тфери [села за р]убежем в Нов[городьскои] [волости, те] возмуть ку[ны у исть]ца или у сы)на. И[стьца ли не] [будеть, ни сына его, и кто купиль,] а на томь ему хрес)т [целовати], како истьца не ведаеть, а коуны емоу имати у Новагорода, колко дал, хрес)ть целов[а]в. А к[то] живеть в Новоторьскомь уе[зд]е у Свя)то)го Спа)са, а те потя[ну]ть [къ] Торжьку, буди закладьщи[къ] буди пришлець бу[ди княз]я, буди детеи его, буди кня[гы]нин, буди боярь [его] такоже, и Василисинъ; такоже и в [Бежичах и в Вологде и в всеи] волости Новгородьскои. А [к][то старыи люди] в Торжьку и в [Т]фери положено на старых л[ю]дех, [седети имъ] в прочьнои спра[ве]. А в которого че)ло)ве)ка почнуть окупа[ти] села в Новъгородьскои волости, окупити ему и доброе и худое. А что поимали на Вологде кречеты, и серебро, и белоу и [по все]м свободам и по [се]лом и у Волоце, и у ладожан, илi [у каких ин]ых людеи дати им назад по исправе; а головы [что по]имали в полку и по с[ело]м, то попущали без окупа. А что взял Михаило князь 5 рубля на смер[д]ех на Пруте[нь]скых, земля к Новугороду. А гости всякомоу гостити без рубежа; а во[ро]та ти отворити, а хлеб ти поустити, и всякыи ти гость пустити в Новъгородъ; а силою ти гостя в Тферь не переимати. А черес ти рубежь в Новъгородьскую волость дворян и приставов не въсылати. А обидному на рубежи суд. А послом новгородьскым и новгородьцем ездити сквозе Михаилову волость бес пакости. А холопы и должьникы выдавати по исправе. А что грамота на Городце псана, и что в Торьжку псана при Таитемери и владня серебреная, а те грамоте Михаило князь порезал. А на семь на всемь князь Михаило целовал хрес)т к нам по любви, в правду, без всякого извета.