Текст на языке оригинала
[Се яз великии князь Швитригаило Литовьскои земли] и многих руских земль, докончал ес[ми мир вечныи с Еуфимьем архиеписко]по богоспасаема Великого Новагорода, и с посад[ником] [(имя) и с тысяцким (имя)]чом, со всим Великим Новымгородом. А приехали от [Новагорода Борис Юрьевичь, и от житьих Иван Ермолини]чь, Григореи Захарьинич, с тыми есми мир кончал. А ш[то моих людеи, или литвин, или витбленин, или полочанин] или смолнянин или с ын[ы]х с наших руских земль: тым [путь чист изо всеи моеи отчины, торговати им] в Новегороде без пакости по старине. А торгова[ти с новгородци. А хто приедет с великого князя то]варом, торговати им с новогородци в Немецком дворе [Такоже и новгородцем изо всеи Новгородскои волости торгова]ти без пакости по всеи Литовскои земли. А мне, князю [великому Швитригаилу, блюсти новгородца, как и сво]его литвина, такоже и новогородцом блюсти литвина, [как и своего новгородца. А мне великому князю Швитр]игаилу на Новоторъжском пути и на всих путех во [всеи Новгородской волости пути не переимати, гостя вашег]о никакого ж, хто поедеть в Н[о]въгород или из Нова[города. А где новгородца в ратном имуть, пустити е]го с товаром без пакости. Или новгородц[и] литви[на в ратном имуть, пустити его, а ему, право рек], свои взяти. Аже оу[з]гоном во блазну возмуть [новгородское, или человек или лошадь, ехав ис тое] волости человеку к воеводе, рек право, свое взяти [а им дати, или черес то село возмут или два, то уже] измена, а с нас правда доловь. Тако же ново[городцы возмут литовское, или человек или лошадь, ис тое волости е]хав, право рек, свое взяти; или черес то село [возмут или два, то уже измена, а с вас правда доловь. А] межи собою нам, будучи в любви за хо[лопа, за робу, за должника, за поручиика, за роз]боиника не стояти ни мне ни вам, [а выдати его по исправе. А оучиниться пеня гостю н]о[в]огородскому в Литве, тамо ему и ко[нчати по княжои правде и по хрестному целованию. И]ли оучинится пеня в Новегороде полоча[нину или витблянину, или литвину, или русину с нашего] великого княженья, кончати в Новегороде [по княжой правде и по хрестному целованью. А рубеж Нову]городу с Литвою по старому рубежу з[емли и воды, и с полочаны, и с витбляны, и с торопьчаны. А на Молв]ят[ич]ох взяти мне, князю [ве]ликому, [два рубли, а тивуну рубль за петровщыну. На Кунску взя]ти мне, князю великому, рубль а тиву[ну полтина. На Березовци взяти мне, князю великому], полтора ру[б]ли да [тритця]ть куниць [На Стержи тридцать куниц да шестьдесят белок], а петровщинеы рубл[ь. А или Да]в Мореве сорок [куниц, да два сорока белок, да петровщины рубль], а в осенине пол рубля. А [в Жаб]не д[вадцать куниц да сорок белок, да петровщины рубль. А пиво с] перевары, а мед по силе. А на Лопа[стичох и на Буичох у чорнокуньцов по две куницы да по две] белки, а слугам трем по белце. А на Луках на[ш тивун, а ваш тивун: суд им наполы. А торопецко]му тивуну ж по Новогород[с]кои волости не [судити, ни ржовскому. А Любокове и в Заклиньи по две ку]ници да по две беле а за петровщину [сорок бел, а в Ржеве по две куницы да по две беле, а с] перевары мед по силе [с]ытити, а тивуну [ездити по переваром в пятинадця]ть человека, а или да по чернокунцом також [в] пятинадцять человека [А в Новгородскои волости ненадобе н]и што иное Литве: ни на Демяни, ни на Сне, ни на Полонове [ненадобе брати черное к]уны, [ни иное нич]то. А конч[и]л яз, князь великии Швитрикгаило, мир [со всим Вел]иким Новымгородом и с пригор[оды] и со всею волостью Новогородскою по сеи грамоте. Аже оу[чинитс]я нелюбовь мне, князю велико[м]у Швитрикгаилу, до Великого Новагорода, или Новугороду [нелюбье] до великого князя Швитрикгаила, или будеть мир нелюб, сослався и грамоты отослав, а после грамот месяць не воеватися; а как [месяць] изоидеть, то же ся воевати. А на семь на всем яз, князь великии Швитрикгаило, крест цело[валъ], такоже и послове новогородскии Борис Юрьевичь, а от житьих людеи Иван Ермолинич, Гри[гореи] З[а]харьинич крест целовали ото всего Ве[л]икого Новагорода по любви оу правду, безо в[сякого] извета. А литовским послом по Новогородскои волости подвод не имати, а новог[ор]одским [послом] по Литовскои волости подвод не имати. А писано оу Вилни в лето шестьтисячное девя[тисот]ое и тридца [9]-е, индикта 9, ге[н]варя 25.