Текст на языке оригинала
Поклон от посадника, и от тысячьского, и от всих стареших, и от всих менших, и от всего Новагорода [к господин]у (Примечание: в прямых скобках здесь и далее утраты текста, восстановленные по аналогии с другими договорами; буквы, читаемые только в ультрафиолете, специально не выделяются) князю великому Михаилу. На семь, господине, Новгород всь крест целуеть. Княжение тво[е] [ч]естно держати по пошлине, без обиды; а тобе, господине, такоже Новгород держати по пошлин[е], без обиды. Что свобод Дмитриевых и А[н]дреевых, что селца тягнуло к тым сло[бо]дам, того всего тобе съступатися, [то в]се к Новугороду бес кун. А что, княже, сел твоих[ъ], и владычних, и княгыниных, и бояр тв[оихъ], и слуг твоих на Новгородьскои земли: которое село зашло бес кун, то бес кун поидеть к Новугороду; а кто купил, а [тыи] знаеть своего истьца или детеи его; истца ли не будеть, ни детеи его, це[ло]вати е[му] крест, како то истца не ведаеть, взяти ему куны, колко будеть дал, по исправе, а [з]ем[л]я к Новугороду. А рубежь ти, к[н]яже, межю Суждальскую землю и Новгородскою [дати] (Примечание: такая реконструкция возможна лишь в том случае, если буквы были тесно расположены друг к другу) ти старыи, како было при деде твоемь и при праотце твоемь Ярославе. А што во[ло]сти[и] (Примечание: конечная и может находиться на следующей строке) новгородьскыхъ (Примечание: 2-я буква может быть прочитана и как а: навгородьскых), тех волостии тобе не держати, княже, своими мужи, держати мужи но[вго]родьскыми; а дар тобе имати от тех волостии. А бес посадника ти, княже, суда не судити, ни волости (Примечание: возможно, на конце имеется еще одна и: волостии) р[о]здавати, ни грамот давати. А без вины мужа волости не лишити. А в Русу, княже, ездити [в] о[сен]ь, како пошло. А лете ездети на Възвад звери гонит. А за Волок ти слати своего мужа (Примечание: часть текста, начиная со слов «како было при деде твоемь…», написано другим почерком) из Новагорода в дву насаду, по пошлине, а опять ехати туды же на Новгород, а с Низу ти не слати; такоже и в Бежице. А что пошлины, княже, в Новгородьскои волости, [того] вы мене не таити в всих волостех. А холоп или [п]оручникы (Примечание: в ркп. оручникы) выдавати. А всему тому суд в Новегороде. А што ти, княже, пошло в Торжьку и на Волоце: тиоун сво[и] держати на свои (Примечание: так в ркп.) части, а новгородьча на своеи части. А в Бежицах тобе, княже, и твоеи княгине, ни твоим боярам, ни твоим слугам сел не дьржати, ни купити, ни даром приимати, ни по всеи волости Новгородьскои. А се, княже, волости новгородьскыи: Волок с всими волостьми, Торжок, Бежице, Палець Городець, Мелеца, Шипино, Егна, Заволочье, Терь, Пермь, Печера, Югра, Вологда. А [с]виньи ти бити за 60 вьрст от города. А в Ладогу ти слати, княже, осетреника свое[г]о и медовара по грамоте прадеда твоего Ярослава. А ездети тобе, княже, [в] Ладогу на третьее лето. А из Бежиць, княже, людии в свою волость не выводи[т]и, ни из иных волостии новгородьскых, ни грамот давати, ни закладн[иковъ] (Примечание: реконструкция предположительная, ибо остатки двух последних знаков более соответствуют ни или не) приимати ни княгине тв[о]е[и], ни боярам твоим, ни слугам твоимъ: ни смерда ни купцины. А грам[от] ти не посужати. А што пожни твои и твоих мужь, то твое и твоих мужь; а новгородьскыи Новугороду. А дворянам твоим, како пошло, погон имати: от князя по пяти кун, а от тиоуна по две долгеи. А што, княже, мыто по Суждальскои земли и в твоеи волости: от воза по две векше (Примечание: в ркп. вешке), от лодьи, от хмелна короба и от лняна. А дворянам твоим оу купець повозов не имати, разве ратнои вести. А свобод и мытов на Новго[родь]скои волости не ставити. А холоп или роба почнеть вадити на господу, тому ти веры не яти. А на Низу тобе, княже, новгородча не судити, ни волостии роздавати. А кто почнеть вадити к тобе, тому ти веры не яти. А в Немечьком дворе тобе, княже, торговати нашею братьею; а двора ти не затваряти; а приставов не приставливати. А гости нашему гостити межю Суждальскою землею без рубежа, по цесареве грамоте. А судьи слати тобе свои на Петров день, тако пошло. А вывода ти, княже, межю Суждальскою землею и Новгородьскою не чинити. А што закладне твои в Торжьку или инде где, или за тобою, или за твоею княгинею, или за мужи твоими: кто купець, поидеть в свое сто. [А] коли будеть Новугороду розмирье с Немчи или с Литвою или с ыное стороне, пособляти ти, княже, по Новегороде бес хытрости. А без новгородьского ти слова, княже, воины не замышляти. А приставов ти с Низу в всю в Новгородьскую волость не всылати. А [к]то купець, поидеть в свое сто, а смерд поидеть [в] свои погостъ; тако п[ош]ло в Новегороде, отпусти их прочь. А гнева ти, княже, до Новагорода не де[ржат]и ни до одиного человека. А ряду, княже, в Новгородьскои волости тобе и твоим судьям не посужати. А самосуда не замышляти. А старосте ни холопа, ни робы без осподаря не судити твоим судьям. А за рубежь из Новгородьскои волости твоим дворя[но]мъ (Примечание: в ркп. дворям) суда не выводити, ни судити. А свобод ти и сел съступитися. А на семь на всемь князь великыи крест человал. А что ти грамот крестных Новугороду с всими городы с немечкыми, на те ти грамоты, княже, не наступатися, а новгородьскои ти души блюсти. А вынесуть тобе изь Орды княжение [вел]икое, нам еси князь великыи; или пак не выне[су]ть тобе княжения великого [изъ] Орды, поити твоим наместникам из Новагорода проць и из новгородьскых пригородов, а в том Новугороду измены нету.