+ От великого князя наместников Ивана и Василья, от посадника Есифа Захарьинича, от тысячкого Григорьи Ивановича и от всего Великого Новагорода к заморьскым послам в Юрьво к Ивану и другому Ивану. Что есте к нам прислале, и мы вашю грамоту слышиле. А повестуете такъ: чтобы есте послале к нам во Юрво свои послове, послале честны добрыи люди о всякох делех на всю правду. Ино того у нас первее сего не было, что нам слать во Юрво, а нам с вами, заморчи, ины мир и г[р]амота (Примечания: в ркп. гамота) нам с вами, а съ (Примечания: в ркп. о) юрьвчи, с велневичи нам сво (Примечания: так в ркп., надо, очевидно, свои) мир. Братья заморци, прислав к нам грамоту опасную, взяле у нас с нашими напечатьми (Примечания: так в ркп.) что вам ездити в Великы Новъгород и отиздити путь чист безо всякого опаса. Про то на вас велми дивим, цто (Примечание: ц переправлена из т) вы к нам не идите по опасу на Божии руки Святои Софьи на н[о]вгорочкеи (Примечание: в ркп. нвгорочкеи). А вам чист путь приихати отихать безо всякого опаса.