Текст на языке оригинала
+ Святему владице (Примечание: е исправлена из а) архибискупу Омельяну и посадьником и к тысяцьким и купьцом и ко всему Великому Новугороду, нашим добрым суседом добро здоровье от посадьньков и от ратманов и отт всех колываньцев. Мы слышели, што вы наших купьцов приняли и сь их товаром вашем городе про тую обиду летось, што вашь брате (Примечание: е исправлена, вероятно, из и) побите на море и товаре поимане. А Бог то знаеть, што нам то жаль отто всего сердьца. А мы вам то повестуем по хрестному целованью безо всякое хитрости, тое же дело не долом (Примечание: так в ркп.) ни думою ни виновати, как мъ (Примечание: так в ркп., возможно чтение мы) летось вашему послу Аньдрею повестовали, тако же по хрестному целованью, а мы ещо не ведаем и не слыхали про ваше брате, отт кого им та обида доспелась. Штоб мы то ведали, не хотели бъ (Примечание: вписано над строкой) мы того за собою держать и заветать, а за виноваты не хотим стоять. То мы вам скажем по хрестному целованью безо всякое хитрости. Люше того, вы наших купець приняли и сь их товаром. То в деете против правды и хрестного целованья; то Богъ (Примечание: написано под титлом) знаеть. Осподине святыи бискупе владыко, познаи Бога и правду. А и вы, посадьники и тысяцькии и весь Великии Новгород, милыи суседи, познаите Бога и правду, отпустите наших купец и сь их товаром, то вам молимъся, даите им путь чист приехати и оттъехати, занъда мы вси купьци в том орудьи ни виновати ни делом, ни словом. То пишем вам по хрестному целованью, занъда купьци надеялися на Бог и на хрестное (Примечание: написано без титла) целованье, наши купьци ехали к вам. Смотрите на добро суседъство, а станьте зодорово оу Святии Софьи.