Текст на языке оригинала
[Благос]ловлен[и]е (Примечание: от конечной е сохранилась только левая мачта и надстрочный диакритический знак; здесь и далее в квадратных скобках — в ркп. утрачено, восстановлено по смыслу и по аналогии с № 2) от владыкы, поклон от по[са]д[ни][ка Ми]хаила, и от [т]ысяцьскаго Кондрата, и [от] вс[е]хъ (Примечание: в ркп., по-видимому, всх) соцьскых, и [от] всех стареиших, и от вс[е]го Новагорода к князю Ярославоу. На семь ти, княже, хрест целов[а]ти, на цем то целовал хрест отець твои Ярос[ла]в. Держати ти Новъ[гор]одь по пошлине, како держал отець твои. Грамот ти, княже, не посоужати. А моужа ти без вин[ы] волости не лишати. А бес посадника ти, княже, волостии не роздавати, ни грамот даяти. А волостии ти, княже, новгородьскых своими моужи не держати, н держати моужи новгородьскыми; а дар от тех волост[ии] имати. А се волости новгородьскые: Волок с всеми волостьми, а держати ти сво[и] тивун на половине, а но[в]городець на половине в всеи волости Волоцьскои; а в Торожкоу, княже, держати тивоун на своеи чясти (Примечание: конечная и переправлена, очевидно, из а), а новгородець на своеи чясти; а Городець, княже, дал Дмитрии с новгородци Иванкоу, а того ти, княже, не отъяти. А се волости новгородьскые: Бежиче, Городець, М[еле]чя, Шипино, Егна, Вологда, Заволоцье, Колоперемь, Тре, Перемь, Югра, Печера; а ты волости дьржати моужi новгородьскыми; а дар от них имати. А свiньи [т]и (Примечание: сохранившаяся часть первого знака наиболее близка к букве ч; реконструировано по смыслу) бити за 60 в[е]рст от г[о]рода. А закладников ти, княже, не приимати, [ни] твоеи княгыни, ни тво[и]мъ (Примечание: в ркп. твом) бояромъ; ни [с]е[лъ] т[и] держати по Новгородьскои волости, ни твоеи [кн]ягыни, ни бояром твоим, ни твоим дворяномъ; ни свобод ставити по Новгородьскои волости. А и-Соуждальскои [т]и земле Новагорода не рядити, ни волост[и]и ти не роздавати. А на Озвадо (Примечание: левая часть омеги написана поверх вертикальной мачты с верхней засечкой, как у н или и; по-видимому, писец начал повторно писать на, но сразу заметил свою ошибку и исправил) ти, княже, ездити лете звери гонит. А в Роусу не ехати, ехати ти в Роусу на третиюю зимоу. А в Ладогоу, княже, ехати на третиюю (Примечание: переправлено из третиее) [л]ето. А осетрьникоу твоему ездити в Ладогоу по отца твоего грамоте. А коуда пошл[о] соудии твоемоу ездити по вол[о]с[т]и, ехат[и и]м межень по (Примечание: п переправлена, очевидно, из недописанной з) Петрове [д]ни. А что твои брат отъял был пожне оу Новагорода, а того ти, княже, отстоупитися: что новгородцев, то новгородьцем, а что пошло князю, а то княже. А вывод ти, княже, в всеи волости Новогородьскои не надобе. А дворяном твоим, княже, ходити по пошлине, како пошло исперва. А от новгородьця и от новоторжьця оу мыта имати от воза по 2 векши, и от хмелна короба. А за Волок ти своего моужа не слатi, слати новгородца (Примечание: предложение вписано другим почерком и чернилами на оставленном чистом месте). На том ти на всемь хрест целовати по любъви, без всякого извета, в правьдоу, при наших послех.