Текст на языке оригинала
† Благословение от владыце Моисея, поклон от посадника Данила, от тысяцкого Аврама, и от всего Новагорода к господиноу великомоу князю Олександроу. На семь, княже, целоуи крест к всемоу Новоугородоу, на чемь целовал дед твои Ярослав. Новъгород держати ти в старои пошлине. Что волости новгородьскых, тех ти волостии, княже, тобе своими моужи не держати, дьржати моужи новгородьскыми; а дар тобе, княже, имати от тех волостии. А бес посадника ти, княже, соуда не соудити, ни грамот давати, ни волостии роздавати. А без вины ти, княже, моужа волости не лишити. А что ти, княже, пошло на Торжькоу и на Волоце (Примечание: конечная е, возможно, переправлена из другой буквы): тиоун свои держати на своеи части, а новгородца на своеи части. А в Бежицах тобе, княже, и твоим бояром, и твоеи княгыни, и твоимъ (Примечание: им переправлено из еи) слоугам сел не держати, ни коупити, ни даром приимати, и по всеи волости Новгородьскои. А что Олександровых княжих сел коупленых или его моужь, а то поидеть к Олександроу князю по исправе, по хрестьномоу целованью, по заводъ; а ис тых сел соуда им не судити, ни дворяном ездити, ни людии новгородьскых приимати, ни земли. А се, княже, волости новгородьскыи: Волок с всеми волостьми, Торжек, Бежици, Городець Палець, Мелеча, Шипин, Егна, Заволочье, Тре, Пермь, Печера, Югра, Вологда. А кто боудеть коупил села в всеи волости в Новгородьскои при деде моемь Ярославе, и при Васильи, при Дмитрии (Примечание: вторая и отнесена к имени с учетом пунктуации подлинника: после нее в ркп. стоит точка), при Андреи, и при отци моемь при Михаиле, и при князи при Юрьи, при Дмитрии: кто боудеть даромь отъял или сильно, а то поидеть бес коун к Новоугородоу; а кто коупилъ (Примечание: п переправлена (по-видимому, из н)) боудеть в Новгородьскои волости, знати им своего истьца; или не боудеть истьца, како не ведаеть истьца своего, целовав емоу крест, коуны емоу взяти оу Новагорода, колько боудеть дал, а земля поидеть к Новоугородоу; или не окоупять, седети емоу, доколе окоупять. А нелюбья ти, княже, не держати к Новоугородоу до посадника, и до тысяцкого, и до всего Новагорода, от мала и до велика, не мьщатися ни соудомь, ни чимь же. А што ся деяло до твоего княжение и в твое княженье, того ти не поминати. Што продано княжих волостии до Велика дни (Примечание: написано под титлом), а што боудеть не продано по Велице дни (Примечание: написано под титлом), то по целованью поведати. А в Роусоу ти, княже, ездити на третьюю зимоу, по грамоте деда своего Ярослава. А лете на Озвад зверии гонит. А в Ладогоу ти, княже, слати осетрьник и медовара по грамоте деда своего Ярослава. А в Ладогу, княже, ездити на третьее лето. А из Бежиць ти людии не выводити в свою волости, ни изы инои волости Новгородьскои, ни грамот давати, ни закладников приимати ни твоеи княгыни (Примечание: вторая н переправлена, очевидно, из м), ни твоим бояром, ни твоим слоугамъ: ни смерда, ни коупчины. А без вины ти моужа волости не лишити. А грамот ти не посоужати. А пожни, княже, что твои и твоих моужь, то твое, что пошло. А што боудеть дед твои сильно деял или иныи князь на Новегороде, того ти не деяти. А роубежь ти, княже, дати правыи, бес перевода, межю отчиною своею и Новгородьскою всею волостью. А новгородьцем волости и оброков княжих не таити. А дворяном твоим, како пошло: от князя по 5 коун погон имати, а от тиоуна по 2 коуне. А что, княже, мыт по Соуждальскои земли и в твоеи волости: от воза имати по две векше, и от лодьи, и от хмельна короба, и от льняна. А дворяном твоим оу коупцев повоза не имати, разве ратнои вести. А свобод и мыт на Новгородьскои волости не ставити. Холоп или роба почнеть вадити на господаря, томоу ти веры не яти. А на Низоу, княже, новгородця (Примечание: конечная буква повреждена; с меньшей вероятностью может быть прочитана и как а) не соудити, ни дании роздавати. А кто почнеть к тобе вадити, томоу ти веры не я[ти] (Примечание: в ркп. я). А гости гостити по Соуждальскои земли новгородьскомоу бес пакости, без роубежа, по цесареве грамоте. А в Немецкомь дворе тобе, княже, торговати нашею братьею; а двора ти не затваряти; а приставов не приставляти. А села Святои Софии исправи Святои Софии. А судьи слати на Петров день, како пошло. Кто коупець, тыи подеть (Примечание: так в ркп.) в сто, а смерд в свои погост. А рядоу вольного не посоужати. А самосоуда в Новъгородьскои волости не замышляти, по пошлине. А соужьдальскомоу гости гостити в Новъгород без роубежа, бес пакости. А свиньи ти, княже, гонити за шестьдесят верст около города; а в тои шьстидесят новгородьцю гонити, князя докладая князя (Примечание: так в ркп.), а дале, куды комоу годно. А за Волок ездити соудьи, како пошло по Новгородьскои пошлине. На семь на всемь князь великыи целовал крест к всемоу Новоугородоу; такоже посадникъ (Примечание: к прочитан в ультрафиолете), и тысяцкыи, и весь Новъгород целовали к великомоу князю по любви, в правдоу, без всякого извета.