Текст на языке оригинала
† Благословление от владыце (Примечание: далее — штрих, похожий на зеркальную s, написанный теми же чернилами и пером, что и д), поклон от посадника, и от тысячкого, и от всех стареишиих, и от всех меншиих, и от всего Новагорода господиноу князю великомоу Михаилоу. На семь, господине, Новгород всь хрест целоуеть. Княжение твое честьно дьржяти по пошлине, без обиды; а тобе, господине, такоже дьржяти Новъгород по пошлине, без обиды. Что свобод Дмитриевых и Андреевых, и что сельць тягноуло к тым свободам, того всего тобе състоупитися, то все к Новоугородоу бес коун. А что, княже, сел твоих, и владычьних, и княгыниных, и бояр твоих, и слоуг твоих на Новгородьскои земли: которое село зашло бес коун, то бес коун поидеть к Новоугородоу; а кто коупил, а тыи знаеть своего истьца или дети его; истьца ли не боудеть ни детии его, целовати емоу хрест, како истьча не сведаеть, взяти емоу коуны, колико (Примечание: первая о переправлена из л) боудеть дал, по исправе, а земля к Новоугородоу. А роубежь ти, княже, межю Соуждальскою землею и Новгородьскою дати ти старыи, како было при деде твоемь и при отци твоем Ярославе. А что волостьи новгородьскыих, тех волостьи тобе не дьржяти, княже (Примечание: вписано над строкой), своими моужи, дьржати моужи новгородьскыми; а дар тобе имати от тех волостьи (Примечание: далее знак вставки(?) другими чернилами). А бес посадника ти, княже, соуда не соудити, ни волостьи роздавати, ни грамот давати. А без вины моужя волости не лишити. А в Роусоу ездити, княже, в осень, како пошло. А лете ездити на Озвад зверии гонит. А за Волок ти слати своего моужя из Новагорода в двоу носадоу, по пошлине; а опять ехати тоуды же на Новъгород, а с Низоу ти не слати; такоже и в Бежице. А что пошлин князю в Новгородьскои волости, того вы мене не таити в всех волостьх. А холопы и пороучникы выдавати. А всемоу томоу соуд в Новегороде. А что ти, княже, пошло, на Тържькоу и на Волоце: тиоун свои дьржяти на своеи части, а новгородца на своеи части. А в Бежицах тобе, княже, ни твоеи княгыни, ни твоим бояром, ни твоим слоугам сел не дьржати, ни коупити, ни даром приимати, ни по всеи волости Новгородьскои. А се, княже, волости новгородьскыи: Волок с всеми волостьми, Тържьк, Бежице, Палиць Городьць, Мелеча, Шипино, Егна, Заволочие, Тере, Пермь, Печера, Югра, Вологда. А свинии ти бити за 60 вьрст от города. А в Ладогоу ти, княже, слати осетрьника и медовара по грамоте деда твоего Ярослава. А ездити тобе, княже, в Ладогоу (Примечание: нижние части букв -до- дописаны металлическим пером по бумажной подклейке) на 3-е лето. А из Бежиць, княже, людьи не выводити в свою волость, ни з иных волостьи новгородьскыих, ни грамот им давати, ни закладнев приимати ни княгыни твоеи, ни бояром твоим, ни слоугам твоимъ: ни смьрда, ни купчины. А грамот ти не посоужати. А пожне, что твои и твоих моужь пошло, то твое и твоих моужь; а новгородьское Новоугородоу. А дворяном твоим, како пошло, погон имати: от князя по 5 коун, а от тиоуна по две дългеи. А что, княже, мыт по Соуждальскои земли и в твоеи волости: от воза имати по две векше, и от лодии, и от хмелна короба, и от лняня. А дворяном твоим оу коупьць повозов не имати, разве ратнои вести. А свобод ти и мытов на Новгородьскои волости не ставити. А холоп или роба почнеть вадити на господоу, томоу ти веры не яти. А на Низоу тобе, княже, новгородчя не соудити, ни волости роздавати. А кто почнет [вад]ити (Примечание: в ркп. утрата (1,7 см, 3–4 буквы), восстановлено по аналогии с другими новгородско-княжескими договорами) к тобе, томоу ти веры не яти. А в Немечком дворе тобе, княже, търговати наше[ю брат]иею (Примечание: в ркп. утрата, восстановлено по нижним частям букв); а двора не затворяти; а приставов не приставливати. А гости нашемоу гостити межи Соуждальскою землею без роубежя, по цесареве грамоте. А соудие слати тобе свое на Петров день, тако пошло. А вывода ти, княже, межи Соуждальскою землею и Новгородьскою не чинити. А что закладников в Тържькоу или инде, или за тобою, или за княгынею, или за моужи твоими: кто коупьць, поидеть в свое сто; а смьрд поидеть в свои погостъ; тако пошло в Новегороде, отпоусти их прочь. А гнева ти, княже, до Новагорода не дьржяти ни до одиного человека. А рядоу в Новгородьскои волости тобе, княже, и твоим соудиям не посоужяти. А самосоуда не замышляти. А старосте ни холопа ни робы без господаря твоим соудиям не соудити. А за роубежь из Новгородьскои волости твоим дворяном соуда н[е в]одити (Примечание: в ркп. утрата 0,8 см.), ни соудити. А свобод ти и сел състоупитися.