Грамота Пскова Колывани об имуществе умершего псковича Никона; 1417–1420 гг. Фотография подлинника; TLA. Ф. 1465. Д. 2384.

Грамота Пскова Колывани об имуществе умершего псковича Никона

Акт

Фотография подлинника

На об., очевидно, имелась прикладная восковая печать (видна на фотографии в виде округлого темного пятна, просвечивающего через текст).

1

Валк С.Н. // ИА, 1956, № 1, с. 234, № 1; Зализняк А.А. ДНД–2, с. 692.

23.10.2023

Ото князя Федора Олександровича и от посадника псковского Микоуле Павловича, от посадника псковского Федоса Фефиловича и ото всих посадников псковских, и ото всих сочких, и ото всего Пскова к соуседом нашим добрым, к посадником к колываньским и к ратманом. Боуди вам сведомо, что есте писали к нам свою грамотоу о том, что оу вас мертве нашь брат псковитин, а что ся осталося его рухляди, и вы того досмотривши, и запечатали. А криво не хочете деяти, а деете право (Примечание: о, возможно, переправлена из д), как и всегды добрии люди делають. А писали есте, кто приедеть с тою с вашею грамотою, да и от нас, от посадников ото псковских, с нашею грамотою. И мы к вам писали свою грамотоу к посадником к колываньским и к ратманом к своим соуседом. Кто вам привезеть сию нашю грамотоу и вашю к вам, и вы тым людем даите то моксотинье Никоново, что оу вас оумерл. А имите вероу сеи нашеи грамоте и печати, зандо же тыи люди, кто к вам поехали сь сею с нашею грамотою, томоу Никоноу племеньники. И вы им даите чисто по сеи грамоте по нашеи. А тым людем имяна: Левоне да Кононе. А пришла грамота от вашего брата от вас ис Колывана от Ивана, оу кого мертве нашь брат Никоне. И вы его сиротъство отдаите чисто по правде и по целованью. А останитеся здорови.

1417

1420

XV в.