Текст на языке оригинала
В имя Отца и Сына и Святого Духа. Се яз, раб Божии Матфьи Васильевич, отходя света сего, пишю рукописание при своемь животе. А даю село Святеи Богородици по отца своего души и по своеи души отцину свою, двор и дворищо, горьнии земли и юръмольскии земли, и пожни, и перевесища, и поводнища, и в лесех участок и в путикех. Цим отець мои володелъ (Примечание: конечный переправлен из е), то дал есмь Святеи Богородици. А что на Пески земля моя того же села, а та земля святому Николе. А что в моемъ (Примечание: е вписано над строкой) селе у половника у моего у Есипъка 40 пузов житных семян, а тих семян дал есмь 20 пузов Святеи Богородици, а другую 20 пузов жита да 10 пузов ржи, а то приказоваю матери своеи на память отцю моему и мне. А взяти ми у половника у своего Есипака осмина жита семяного да 5 осмин жита едемого без пуза (Примечание: далее стерто да полъторы осмини ръжы), у Исака у дяди моего взяти ми 5 осмин жита, у Юрья Перьхурьева сына 20 бел, у Обросимови жени 6 бел, у Захарькы 12 бел, у Скреба 10 бел, у Олехна 10 бел, у Луцекы в Ълехнова Вълехнова? 16 бел, у Омоса у Сельшина 16 бел, у Павлока у Олупина 4 бел, у Дорошки 9 бел (Примечание: далее стерто у ..ошк… … з[яти м]и). А что живота осталося отца моего и моего у матери мое, свита да шюба боранья да кобыла, а за оцимом за моим за Сменом 10 бел котельная, а то Святому Спасу впись, а иное святому Богоявлению. У дяди моего Исака седло мое, а у Перьхурья у дяди моего корова, а то не виновато ничим. А что сеяно в сели моемь (Примечание: в ркп. момемь) пол 3 осмини ржи, а с тое ржи Святеи Богородици 6 пузов ржи на семяна, а другая 6 пузов ржи и с полономъ (Примечание: так в ркп), а то на память отцю моему и мне, а то приказъваю матери своеи. А не виноват есмь никому, развее Богу душею. А на то Бог послух и отець мои душевныи поп Власьи святого Богоявления.