Се срядися рядом Степан Цюников с Онаньею с Трофимовым. Что взыскал Степан на Онаньи отцини своеи на Нальострове земли, кривои полоси от реке и до озера, промежи Маныловьскими землями, и на Вильякини пожни, и на Батьюрмоли пожня Клинцатая, и отступися Степан Онаньи тых земель. А взял собе Степан против тых земель в отмену на Ровдини гори у своего двора над руцьем полянка, а другии лоскут под Олешником, от Олуферьеви земли да до Манылови, цим владел Онанья. А владелъ (Примечание: вторая л прочитана предположительно; можно прочитать и как т) Онаньи тими землями и пожнями по старому владенью, а Степану владети тими лоскуты по Григорьеву владенью и по Онаньину. А оцищивати Степану своя отцина, хто иметь наступати. А потом не надобе Степану ни его детем до (Примечание: д переправлена из другой буквы) Онаньи (Примечание: а переправлена из ь), ни до его детеи, ни до его половников о тых землях ничто же, ни Онаньи не надобе, ни Григорью Семеновицю до Степана ни до его детеи о тых землях ничто же. А на то рядци с обе половини: Олуфереи Сергеевич, Харитон Родивонович, Онцифор Оксентьевич, Ондреи Васильевич, Микифор Ортемьевичь. А хто сеи ряд порушить, дасть судьям тысяцю белки.