Во имя Отца и Сына и Святого Духа. Се аз, раб Божии Степан Олфромеев сын черноризець скимник дал есм в дом святому Николи землю на Налье[о]строви (Примечание: в ркп. Нальестрови) конець Паритова озера орамую, и двор и дворищо, и старыми грамотами с купными; а межи по старым межам. И еще есм придал к тои земли отчини своеи землю перелог межу Ондреевыми землями Олексеевича над Паритовым озером, а межи по старым межам. И еще есм придал пожню на Вильякини кулигу, а межи по старым межам. И еще есм дал другую пожню над Рушеягр озером и с притеребом, а межи по старым межам, и репеща и кривую полосу отчины моеи, а межи по старым межам. И еще есм дал землю полосу на имя Сокерку, а межи по старым межам. А то есм дал святому Николи в дом и в веки. А на то Бог послух, святыи Никола, и отець мои духовныи игумен Макарии святого Николи, и староста святого Николы Иван Семенов, поп Яков Святии Троици, Павел попович Степанович, Сидор Труфанович, Федор Окинфович, Федор Иванович. А грамоту сию писал Григореи, дьяк Святого Спаса. А в печати стоял Оврам сын Степанов.