Копия заверена счетной палатой Парижа.

• De La Selle X. Le service des âmes à la cour: confesseurs et aumôniers des rois de France du XIIIe au XVe siècle. Paris, 1995. P. 308–309.
• Fabris C. Etudier et vivre à Paris au moyen âge: le Collège de Laon, XIVe–XVe siècles. Paris, 2005. P. 448. N 369.
• Rey M. Les Finances royales sous Charles VI: les causes du déficit (1388–1413). Paris, 1965. P. 136.

Charles par la grace de Dieu roy de France, a noz amez et feaulz tresoriers a Paris, salut et dilection. Nostre amé et feal

soubzaumosnier maistre Jehan Faissier nous a donné à entendre que comme ses predecesseurs soubzaumosniers ayent acoustummé de

prendre chascun an à cause de nostre aumosne sur nostre tresor entre rentes admorties la somme de trois mille deux cens dix et sept

livres parisis, c’est assavoir chascun an au terme des Brandons IIm LVII livres parisis que plusieurs religieux, religieuses, hospitaux, maladeries et

maisons Dieu de nostre royaume prennent chascun an sur nostredit tresor par la main de nostredit soubzaumosnier, et XIc LX livres parisis au terme

de l’Ascencion pour acheter bureaux et solliers pour donner pour Dieu aux povres; de laquelle somme nostredit soubzaumosnier ne puet de vous

aucunne chose recouvrer si comme il dit. Et par ainsi le fait de nostre aumosne delaissé estre parfait et accompli ainsi que voulsissiene qu’il fust

dont forment nous desplaist et pour ce est il que nous qui sur ce voulons estre pourveu vous mandons et enjoignons bien a dictes que par

chascun viconte et receveur ordinaire de nostre royaume vous faites baillier et delivrer a  nostredit soubzaumosnier la somme de quarente livres parisis

en rabat et deduction de ladicte somme de IIIm IIc XVII livres parisis. Et du surplus d’icelle l’assignez en tel et si convenant lieu que briefment il en

puest estre payé afin que le fait de nostredicte aumosne n’en soit aucunement delayé. Et tout ce que paié en aura esté nous voulons

que par rapportant vidimus de ces presentes soubz seel royal avecques recongnoissance sur ce soit alloué es comptes de tous ceulz

a  qui il appartendra par noz amez et feaulz genz de noz comptes a Paris sans contredit, nonobstant ordenances, mandemens ou

deffenses a ce contraires. Donné a Saint Denys le XXIX jour de janvier, l’an de grace mil CCC IIIIxx et six et de nostre regne le VIIe.

Ainsi signé par le roy à la relation de messires les ducs de Berry et de Bourgongne. Boutier.

Collatio hinc copie cum originali dato et signato ut sura facta fuit in Camera comptorum Parisiis, XVIII die marcis MCCC IIIIxx VI par me Stephanum de Brayo et me Adam Riecheux.