Текст на языке оригинала
[Нотариальный знак] (1) In XPisti nomine amen. Anno eiusdem Nativitatis millesimo trecentesimo sexagesimo secundo, indictione quintadecima, die decimonono mensis novembris, Ferrarie, (2) in contrata Sexti Sancti Romani, in domo habictationis infrascripte domine Albertine. Рresentibus testibus vocatis et rogatis: Iohanne quondam ser Benvenuti de Moscholanis (3) de contrata Sancti Romani, Laurencio quondam Blaxii sogarii de contrata Sancte Marie de Vado et aliis. Pax et Raynaldus fratres, filii quondam Iacobi (4) de Lilçis de vila Frumignane et uterque eorum se et sua bona principaliter et in solidum obligantes per se et suos heredes fuerunt contenti, confessi (5) et bene in concordia cum domina Albertina, uxore quondam ser Uberti de Sacrato de contrata Sexti Sancti Romani, presenti, stipulanti et locanti se ab ipsa habuisse et recepisse in socidam ad (6) usum bone et legalis socide ad conducendum hinc ad quinque annos proxime venturos septuaginta novem pecudes et unum multonem, renunciantes exceptioni non dactarum non habictarum (7) et non receptarum dictarum bestiarum, speique fucture habictationis et receptionis, forique privilegio, beneficio novarum constitutionum et epistole Divi Adriani, exceptioni doli mali, actioni (8) in factum et condictioni sine causa omnique alteri suo iuri et legum auxilio sibi conpetenti vel conpetituro. Quas bestias et earum fetus promiserunt dicti conductores et uterque eorum in solidum bene et diligenter (9) tenere, salvare, custodire, pascere et nutrire usque ad dictum terminum omnibus suis expensis. Et si dicte bestie vel aliqua earum vel fetibus ipsarum dolo, culpa vel (10) mala custodia dictorum conductorum vel eorum famuli perderentur, morirentur vel devastarentur, promiserunt dicti conductores et uterque eorum in solidum dicte locatrici presenti et stipulanti ipsam locatricem et eius (11) heredes indempnes conservare et totum dampnum in se tenere. Si vero Dei iudicio, casu fortuito, morteque naturalli, quod Deus advertat hic evenerit dampnum conputetur in socida supradicta faciendo (12) ipsi locatrici plenam fidem de morte naturalli et de Divino iudicio per bonos homines fide dignos qui non sint de familia dictorum conductorum et per representationem pellium dictarum bestiarum. Et (13) omni quindecima die tempore congruo dicti conductores dare promiserunt ipsi locatrici quatuordecim caxeos et duas puvinas seccas et staxonatas, conducere ad domum habictacionis dicte locatricis (14) expensis dictorum conductorum; agnas feminas tenere promiserunt in augmen socide supradicte et agnos maschulos vendere de voluntate dicte locatricis et dare ipsi locatrici dimidiam precii, (15) quod percipietur ex dictis agnis maschulis. Pecudes tondere promiserunt suis congruis temporibus et lanam vendere et dare ipsi locatrici dimidiam precii, quod percipietur ex (16) dicta lana. In fine vero dicti termini promiserunt dicti conductores de bestiis, que tunc erunt in dicta socida facere [promiserunt] duas partes equales, quarum liceat ipsi locatrici (17) acipere quam voluerit, reliqua vero sit conductorum. Et si dicta locatrix velet dictam socidam dividere infra dictum terminum, conductores habere debeant partem suam pro rata (18) temporis[ibus] [sic]. Constituentes dicti conductores et uterque eorum in solidum se solucturum et observaturum hec omnia et singula et conveniri posse specialiter Ferrarie, Bononie et Venetiis, et (19) generaliter in omni alio loco, terra et foro diebus feriatis et non feriatis, feriis aliquibus non obstantibus, quibus sponte renunciantes expresse. Et de predictis (20) promiserunt dicti conductores et uterque eorum in solidum recipere preceptum unum decem dierum quodcumque placuerit dicte locatrici, et ex nunc prout ex tunc renunciantes precepto (21) viginti dierum et feriis omnibus presentibus et futuris. Et si dicti conductores predicta omnia et singula non observaverint, quam licitum sit dicte locatrici sua propria auctoritate (22) sine requisictione iudicis vel potestatis ingredi et stare tenutam et corporalem possessionem omnium bonorum dictorum conductorum et utriusque eorum in solidum ubicumque eligere (23) voluerit et ea bona vendere, donare, alienare et apud se iusto precio retinere tanquam sua bona propria, iusto precio empta, usque ad integram soluctionem (24) dicti debiti et expensarum, et promiserunt dicti conductores non se apelare a sententia extimatorum Communis Ferrarie nec ab aliqua alia sententia qua lata foret contra eos vel (25) aliquem eorum vel in suis bonis occaxione predicta et non dicere sententiam esse nullam et si disserint vel se apellaverint, promiserunt ex nunc prout ex tunc dictam apelactionem (26) et nulitatem habere cassam vanam et nulius valoris. Que omnia et singula supradicta promiserunt dicti conductores et uterque eorum in solidum per se et suos (27) heredes dicte locatrici presenti, stipulanti et recipienti pro se et suis heredibus firma et rata habere, tenere, actendere, observare et non contravenire per se vel alios aliqua ratione (28) vel causa de iure vel de facto sub pena stipulatione promissa vigintiquinque libras bononinas et obligata omnium suorum bonorum presentium et fucturorum cum refectione dampnorum (29) et expensarum, litis et extra. Qua pena soluta vel non, predicta sint firma. Et ad maiorem firmitatem omnium predictorum predicti conductores sponte ad sancta (30) Dei Euangelia corporaliter tactis scripturis iuraverunt predicta omnia et singula firma et rata habere, tenere, actendere, observare et non contravenire aliqua ratione vel causa. (31) Ego Petrus filius domini Boniohanis notarii de Laneçolis imperiali auctoritate notarius Ferrarie publicus predictis omnibus presens fui et rogatus scribere scripsi.