РГБ; ТСЛ 648, л. 237–237 об._писцовая запись

РГБ; ТСЛ 648, л. 237–237 об._писцовая запись

РГБ; ТСЛ 648, л. 237–237 об._писцовая запись

Послесловие по окончании Триоди.

«В лѣто 7060-го мѣсяца октебря в 2 день написана бысть книга сия, глаголемая Триодь, при деръжаве государя царя великаго князя Иоана Васильявича всея Руси и государя нашего благовернаго князя Владимера Андрѣевича и при епископѣ Акакие Тверьском, замышлением и строением рабом Божиим Маркам Трифанавым сынам Турышкина к всемирному Воздвижению честнаго и животворящего креста. А писана бысть книга сия рукою многогрѣшным рабом Божиим священникам воздвиженьскым Якавам. Владыко многомилостиве, всего добра подателю, реки и просите, и примете, толцете и отвѣрзется вам. Тѣм и аз, грѣшныи, надеяся тому словеси, прогла[гола]х и написах Триодь сию постную. Аще в котором стихе изгрубих или леностию, или со другом глаголя, или о житииских мыслех прилежа, и угодна Богу Твоему человеколюбию Твоему спаси мя по милости Твоеи, яко благословен еси в вѣк, аминь. А говорити книга сия внятно и тихо. Аще ли будет гдѣ описался, и вы Бога ради для сабою исправливаите, а меня грѣшнаго не клените, мир вам буди, братия моя, аминь. Радуется заець от тенета избывши, тако и аз радуюся, скончеваючи останешную строку – Триодь сию постную. В лѣто 7060-го мѣсяца октября в 2 день, на память святых мученик Киприяна и святыя девы Устинии».

Л. 237–237 об.

2 октября 1551

Иван IV Васильевич (Грозный)

Писцовая