РНБ; Погод. 71а, л. 329–329 об._писцовая запись

РНБ; Погод. 71а, л. 329–329 об._писцовая запись

РНБ; Погод. 71а, л. 329–329 об._писцовая запись

Выходная запись писца Иева (Иова) о написании книги для тиуна Петра при кн. Владимире Васильковиче с просьбой поминать «строителя» книги, благопожеланиями заказчику, его детям Лаврентию и Варваре, кн. Владимиру Васильковичу и его жене кн. Ольге Романовне. Запись сделана почерком писца. Начало киноварью.

«Слава тобе, Г(о)с(под)и, въ сии часъ. В лето семое тысяще написашася книгы сия при ц(а)р(с)тве бл(а)говернаго ц(е)с(а)ря Володимера, с(ы)на Василкова, унука Романова, б(о)голюбивому тивуну его Петрови, да аще приключиться кому сия книгы прочитати, то первое помяни строителя ихъ. Написа же сия книгы на сп(а)с(е)нье своеи д(у)ши и чадомъ своимъ Лаврентьеви, Варваре. Да и азъ, грешный, худыи Иевъ, отверзъ скверная свои уста, похвалю избраника Б(ож)ия, списавшаго книгы си за отпущенье его, даи ему, Г(оспод)и Б(ож)е, здравье, и телеси его одесную тебе, Вл(а)д(ы)ко, стояти, совокуплену съ пряженицею своею и съ чады, и судъ м(и)л(о)ст(и)въ усприяти от тебе, Б(ож)е, съ с(вя)ты // ми твоими, причти ихъ неосужнымъ предъ Тобою стати, помяни ихъ, Г(оспод)и, вот ц(е)с(а)р(с)твьи своемъ, съпаси д(у)ша ихъ. Семое тысяще у конечном роде быс(тъ) мужь в та лета, ему же издено, быс(тъ) у с(вя)тому крещениь Петръ сыи бяше у та времена тивуну у князя Володимера, и быс(ть) у него с(ы)нъ именемь Лаврентии, его же уда учити с(вя)тым книгамъ, наказавш[е] ап(осто)льскыми заповедьм[и] на вся часы. Самъ же сы[и] строяшеть сия книгы [съ] многомь тщанье[мъ], на вся дни милуя мастера. О таковыхъ бо ре(че) пр(о)р(о)къ бл(и)жни м(и)л(о)стивии до сир[о]ть, яко ти помиловани будуть на Суде страшнемь, и пакы Павелъ ре(че) к с(е)луняномъ: Бл(а)гословлени суть, иже исполняють писанья с(вя)тъхъ книгь, ти бо неутаени будуть предъ Отцемь моимь, иже есть на Н(е)б(есе)хъ, почивая на серафимехь. О таковыхъ бо ре(че) пр(о)р(о)к Д(а)в(и)дъ: Праведникъ [яко] фюникъ процвьте. Да аще кто не похвалить с[тро]ителя симъ книгамъ, имен[е]мъ Петра, буди ему онафома[!], якоже Моисеи ре(че), но похваливъ его, первое то же чти сия книгы. Написа же ему сия книгы худыи недостоиныи и многогръшныи и черес[-] силу безаконьныи худолъ Иевъ, пакы написа Павелъ к Тимофъю: Будьте тв(о)рци слову и учители. Многа лета князю Володимеру и княгини Волзе и строителю книгамъ симъ».

Л. 329–329 об.

1269–1289 / 1492 гг.

Варвара, дочь владимиро-волынского тиуна Петра (XIII в.)

Писцовая