РГБ; Унд. 719_л. 835-836об_запись

РГБ; Унд. 719_л. 835-836об_запись

РГБ; Унд. 719_л. 835-836об_запись

"В лето 7000-е 26 написана бысть сия книга Палея в граде Богом спасаемым во Пскове при великом князи всея Руси Васильи Ивановиче и при велих князи велих Юрьи и Семеоне, Дмитрии и Андрии брат[ье] его, и при освященном митрополите всея Руси Варламе, и при намесниках псковъскых Иване Васильевиче и Андрии Сабурова, и при дьяке вели[ко]го князя Михаиле Григорьевиче. Списах себе на утешение мне грешному Костянти[ну], попу служителя Духа Святого из Домантове стене, на послушание боголюбивым христьяном. И кто по них начнеть чести, даи ему, Господи, милость свою и молитву дедню и отню, и матерьню, яко же есть писано: молитва отня и матерня утвержаеть домы чадом, в род и род. Якоже Господи Сам еси рекл: Лабяи Мя и словеса Моя съблюдает. И паки рекл еси сосудом Своим избранным апостолом Павлом: Любящим Бога все поспеваеть во благое. Даи же ему, Господи Боже многомилостиве,в сем вече с благыми делы пожити в милости Твоеи молитвами пречистыя Твоея Матери получити оставление грехов во он век, егда хощиши прити воздати по делом нашим комуждо. Сам бо Господи рекл во святом Еуангелии: просящему дасться, толкущему отвержется,ищущеи обрящет. Яко же апостол Павел глаголет: Его же око не виде, ни ухо слыша, ни на сердце человеку взыде,еже уготова Бог любящим Его. И сконцана быша книга сиа месяца семът[ября] 20, святаго мученика Еустафия Плакиды и жены его,и двою чад его. В тои же день память святых мученик исповедьник великых князя Михаила Черниговьского и Феодора, боярина его, вкупе пострадавших за веру православную от нечестиваго царя Батыа. Того же лета на Крому прасло стени поставил от тьснетового костра до персеи фразин. Да тои же осени Литва присла под Опочку сем[тября] 20. А писал есмь грубии сам. А ино понеже скорости ради где буду есмь грубии сам. А ино понеже скорости ради где буду описался понеже таино делах,а и вы, братие и отци, чтите и правите собою, понеже неправлена есть скорости же ради. А нашея грубости не бесществуите, да и на вас почиваеть Божие благословение всегда, ныне и присно, и во веки веком, аминь, аминь"

Л. 835-836об

Константин, священник

Писцовая