Львовский исторический музей; 1565; 118_л.273-273об._запись2

Львовский исторический музей; 1565; 118_л.273-273об._запись2

Львовский исторический музей; 1565; 118_л.273-273об._запись2

«Въ имя Отца и Сына и Святого Духа. По нарожению Господа Бога Спасителя нашего Исус Христа плътию одеявшагося и прошедшаго и с Пресвятыя и Пречистыя и Приснодѣвы Матере своея Мария в лѣто 1565, месяца марта 26 день, по похотению Отца, по произволению Сына и по съвръшению Святого Духа, з росказаниемь и повелениемь князя Олександра Феодоровича Чорьторыиского и княгини его Марии Деспотовны почах азь худыи и бренен и преуничижень грѣхми и ни в чем потребен рабь Богу Саваофу, именем Феодорь, сынь архимандрита Зименского, тогожде и учень, надеяхся на издре[че]ныя щедроты Владыкы Христа моего, умыслих мыслию моею и похотех написати сие писание на подобие и въображение онех 7 съборь святыхь отець // (л. 273 об.) 300 и 18, иже в Никеи, списали и нам дали всѣх речи греческого закону на останок и в том не замолчали о онех трех крестовь, устромившихся Пилатом на горѣ Голгофе, где Христос своею волею руцѣ распростерь и отпадение предеда нашего Адама ростерза, еже не по моемь уметии, но по благодати Божии даннои мнѣ и исписася на прочитание сия книга, названна бысть Правила святых отець. Аще ли есть воля Божия благоятробнаго, то сие нехаи будет благоприятно руки моеи дело, аще ли же ни, о Владыко Пресвяте, не прогнѣваися на мене зело и не погуби мене съ безаконии моими, бо есмь бездна грѣхомь, и того для поручаю в руце Твоего усръдия пребогатую грехми душю мою, Господи всех Царю, нехаи будеть на неи воля Твоя. Вась же прошю, вельможных княжать и панов, епископов и инокоущих, священников и дияконов и четьцевь, коли кто позрить написание руки моея неугодное или будет писати любо прочитати писания в сеи книзе будущеи, чтучи росмотреите и лепеи, можете ли нарядите, а написавшему не зле рецѣте, аминь. Руко моа, пиши блага, да не осудишися внѣшнымь судомь, аминь».

л.273 - 273об.

Писцовая