ГИМ; Увар. 292-1, лл. 569–570_Запись 1.

ГИМ; Увар. 292-1, лл. 569–570_Запись 1.

ГИМ; Увар. 292-1, лл. 569–570_Запись 1.

«По милости Божии и пречистыя Его Богоматере и святых великых треи святитель Василиа Великаго и Григориа Богослова, и Иоанна Златоустаго, и преподобнаго отца нашего Ануфриа, и Петра Афонскаго в лѣто 7023-го, а под лѣты Христова Рожества 1000 пятьсот седмаго, круг солнцу 23, луне 11, мѣсяца ноября 1, на память святых чюдотворець Козьмы и Дамиана, при великом князи и самодеръжци и государи всея Руси Василии Ивановиче, а при митрополитѣ московском и всея Руси Варламѣ кончаны быша книгы сиа, нарицаемаа Григории Богослов с толкованием, в дом святых треи святитель в область благословением кир отца и игумена служебника святых трие святитель Елизаревы пустыни. Аще ли хощеши увѣдати имя его, то сиа ти напишю счетно. Десятица пятирицею и съгласнѣю четверица двоицею и сторица пятерицею, с нѣю четверица двоицею и сторица пятерицею, и с нѣю съгласна десятица седмерицею и десятица пятерицею, и сторица третицею. И в сѣм имяни 7 письмен имат: 1-е сугубо и второе двоеписьмѣнно 1 3-ее триписьменно двасчетна и послѣднее сложно съгласно послѣднему слогу, а все числом счет 978 и сицем образом счет обрящеши имя его. Того же лѣта взял князь великии Смоленск литовъскои град да и наместники свои посажал — князя Василиа Шуискаго и князя Семиона. Писана бысть книга сиа в обители святых великих треи святитель Василиа Великаго, Григориа Богослова, Иоанна Златоустаго и преподобнаго отца нашего Ануфрея и Петра Афонскаго в Елизарьеве пустыни многогрѣшным диаком. И аще ли хощеши имя сведати писавшаго сеи, тои написую ти и счет обрящеши. Седмь письмен имат и суть от них гласна шесть, и едина счетом последняа, трищи сугубую всего же число есть сторица дващи десятица пятижды, и единица четверицею. И рекше все число и счет сих двѣстѣ и пятьдесят, и четыре. Тоя же зимы ходили под Бряслово Ондрѣи Васильевич да Михаила Григорьевич Мисурь. Аминь. Право, аминь. Въистину аминь, буди тако. Слава сверьшителю Богу в Троици славимому, Отцу и Сыну, и Святому Духу и нынѣ, и присно»

лл. 569–570

1 ноября 1514 г.

Нифонт (Кудесов), игумен Спасо-Елеазаровского монастыря

Писцовая