ГИМ. Собр. Успенского монастыря. № 8. Л. 288. Запись
Идентификатор
ГИМ. Собр. Успенского монастыря. № 8. Л. 288. Запись
Название
ГИМ. Собр. Успенского монастыря. № 8. Л. 288. Запись
Транскрипция
О, всевидцу преблагому Богу слава и величие, деръжава и облас[ть] в бесконечныя веки, аминь. Дающему по начале и конец всякому делу благу, иже о Нем начинаемому, сподобившему и мене недостоинаго преплути якоже некую пучину. О, ненадежным надежда, Господи, слава Тебе! Еже о Христе Иисусе Господе нашем упование имея, коснухся трудолюбне книги сия, еже есть Евангелие толковое недельное. Желание бо распали сердце мое к таковеи труда купле. А начало положих книги сея в богохранимом граде Костроме. Аще и нехудожне сие снискахом, но обаче трудне края достигох в лето 7030 пятаго, круга солнечнаго 7 и луне 5,индиктион 15 месяца ноября 14. А совершишася книги сия в преименитом и богоспасаемом славном граде Москве при благоверном и христолюбивом великом князи Василии Ивановиче всея Русии и при священном митрополите Даниле всея Руси. А начертах елико ми Господь поможе по милости своеи последнии в грешницех и недостоиныи в священницех нарещи имени своего благовещенскои поп Сава, костромитин, протопопов сын Никитин. Вы же, господие велиции, и яже сущая о Христе братия, прочитающе книгу сию, не порцете Бога ради тягости на душу мою, аще и неудобрение узрите или погрешение обрящете. Господь же молитвами святых своих буди помощник и покровитель, и защититель вам и мне и с духом вашим, аминь
Персона
Сава, благовещенский священник (1526)