Запись писца в рукописи ОР ГИМ. Епархиальное собрание. № 160. Л. 1 - 2 об.

Запись писца в рукописи ОР ГИМ. Епархиальное собрание. № 160. Л. 1 - 2 об.

Запись писца в рукописи ОР ГИМ. Епархиальное собрание. № 160. Л. 1 - 2 об.

В лето 7031 месяца июня в 21 день на рождество Иоанна Предтечи списана сеа книга, нарицаемая Псалтыря, в 3 час дни при деръжаве благоверного великого князя Василия Ивановича всея Русии в лето 19 княжениа его на Москве и при митрополите Даниле всея Русии в лето 2 архиепископъства его, и при благоверном князи Георгии Дмитровском, и кня[зе] Анъдрее Городецком замышленьем, рукою меня грешнаго раба Божиа Никифора. А где буду описался своим младоумием, и вы, братолюбци, исправливая чтите, а помяните, брате, апостольское писание Иоанна Богословъца: Аще кто речет Бога люблю, а брата своего ненавижу, ложь есь, в сем истинны нес[ть], брата бо его же виде не любит, а Бога, его же не виде, како может любити? А иже кто любит брата своего, тои истинныи боголюбец. И оже, брате, ум человечь подобен бысть трости в пустыни ветром колеблеме, подобен ес[ть] праху на ветр възметаему и разносиму бурным ветром. И вы, братиа и отци, и господа, не поглумитесь моему младоумию, но Бога ради исправливая чтите, и мене грешнаго, не клените. Якоже пчела летает по многым угодием и по многым красным цветом,избирает собе благая и приносит в сокровище себе, и угодно бывает Богу, и любима царем и князем, и боярам, и всем христианом. Такоже человек, чтучи многиа книги и насыщаясь книжных словес, и глаголя их людем, угоден бывает Богу и всем человеком. Сладко есть мед, добро есть сахор, а всего того сладче и лутче книжная словеса. А всякому делу благу Иисус Христос начало и конец. Слава вседеръжителю Богу, свершившему дела благая, аминь. Рад заець от тенятя убежав, тако и писець рад, книгу сию дописав всякои ловец раду улову своему, тако торговец рад прикупу. Богу нашему слава в векы, аминь.