Запись писца в рукописи ОР РНБ. Ф. 717. № 168/168. Л. 509 об.-510.

Запись писца в рукописи ОР РНБ. Ф. 717. № 168/168. Л. 509 об.-510.

Запись писца в рукописи ОР РНБ. Ф. 717. № 168/168. Л. 509 об.-510.

О Отци и Сыне, и Святем Дусе, отци и братиа, коснухся трудолюбне книги сеа, еже есть преподобныи Ефрем Сирин и преподобныи отец наши Иоанн Лествичник с толкованием. Аще же и художне сию книгу снискахом, но трудне краа достигох в лето 7032-го, при державе государя нашего великаго князя Василиа Ивановичя владимерьскаго и ноугородцкаго, и московьскаго, и смоленьскаго, и всеа Руси самодеръжца,и при государе нашем князе Егорьи Ивановичи Дмитровском,и при освященном архиепископе Даниле, митрополите всея Руси. Написана бысть книга сиа в обители святаго Николы чюдотворца, зовомаа Песношь, месяца ноемвриа в 10, на память святых апостол Ераста и Олимба, и Родиона, и прочих, при отцы нашем и настоатели, и пастыри игумене Марке рукою грешнаго и неключимаго раба инока Павлишка, а прозвище ему Опара безчастнаа. И где буду в книзе сеи недописал или переписал и, осподие мои,отци и братиа, прочитаа в книгах сих, Бога ради исправите собою, а меня, господине, нищаго, многосъгрешившаго простите в том, а не клените, аминь

Даниил, митрополит Московский