РГБ, Егоров 180, л. 384–384 об._писцовая запись

РГБ, Егоров 180, л. 384–384 об._писцовая запись

РГБ, Егоров 180, л. 384–384 об._писцовая запись

Запись не окончена.

«Слава съвершителю Богу и Пречистѣи Его Матери, и всѣх святых молитвами. В лѣто 7014 написана бысть книга сиа при деръжавѣ благовѣрнаго великаго князя Василиа Ивановича и при митрополитѣ московстемь Симани, а почата книга сиа писати повелением господина и отца нашего игумена Тарасиа и всеи яже о Христѣ братии Коневаго манастыря. А кончалася сиа книга при игуменьствѣ государя и господина отца нашего игумена Рожества святѣ[и] Богородицы Серапиона. А писал сии Прилог послѣднѣи в послѣдних иноцех и первыи в грѣшницѣх Пименець в дом Пречистѣи на Коневець о своих тяшких съгрѣшениих. И вы, господие, отци и братие, священноинокы и иноцѣ, и подьякы, и клирицѣ, и хто сию книгу почнет чести, прошю и молюся, господие мои, отци святии, припадаа главою до лица земнаго общеи матери всѣх нас, молюся вашеи святыи Господа ради и пречистые Его Матери и всѣх святых, а не моего ради недостоиньства и грубости, и недоумѣниа, чтите, исправляа,якоже вас Господь научит и вразумит и своею благодатью, а моеи грубости и нерадению Господа ради не зазрите, что есмь недоумѣнием сътворих или описался, и поминаите мя, унылаго, в святыхь своих молитвах к Господу выину. Но, господие мои, отци святии, от вашея же святыни и от учительства вашего и от медоточных ваших уст любы множество грѣхов покрывает и апостол рече: молитеся друг за друга, да и вси исцѣлиете. Рече Господь Бог наш: будите щедри якоже и Отець небесныи вашь щедр есть. И да будет на вас милость Господа нашего Иисус Христа и пречистые Его Матери, и сподобит, и причтет вы в царствии своем небеснѣм всегда и в бесконечныя вѣкы. А скончася книга сиа мѣсяца декабря в 4 день, на память святыа великомученицы Варвары и преподобнаго отца нашего Ивана Дамаскына. А писал есмь, господье мои, сиа обѣ половини Прилога, у старца живя в ослушании или послушании Бог вѣсть. Спаси, Господи, помилуи повелѣвшаго благословением,списавшего с потружением, чтущаго с любовию, послушающих с вниманием. Даруи им, Господи, всѣм душевное спасение и телесное здравие и спасение. Аз же…».

Л. 384–384 об.

4 декабря 1505 г.

Серапион, игумен Коневецкого монастыря

Писцовая