ИР НБУ; ф. 301, № 193, лл. 307–307 об._Запись 1.

ИР НБУ; ф. 301, № 193, лл. 307–307 об._Запись 1.

ИР НБУ; ф. 301, № 193, лл. 307–307 об._Запись 1.

«Изволением Отца и съвершением Сына, и поспѣшением Святого Духа, и молитвами пресвятыя владычиця нашеа Богородица и приснодевы Мариа и святых отець, взаконивших нам правила сиа, простирается неплоднаа десница благознаменитыя цвѣты церкве прекрасныя тростию начертати в лѣто 7023 при державѣ благовѣрнаго и богохранимаго христолюбиваго великого князя Василиа Ивановича всеа Руси и при Осѣриле (?) Богом спасаемыаго града Тфери и строением книгы сея боголюбиваго честнѣишаго человека великого князя ключника тферьскаго Ивана Шелоны. Изрядно бо и велие желание имяше на совокупление книжное и на украшение церковное, печялуяся день и нощь, строя церковныи чин, аз же, человек многогрѣшныи, недостоиныи, грубыи и тяготныи лѣности, худоумныи, недостаточныи, хужьдшии в мирянех, а послѣднии в нищетѣ Василеи, подключник, трудолюбнѣ въсприах тетра мѣсяца ноемвриа 1, на память святых чюдотворець бесребреник Козмы и Дамиан, съверъших же о Христѣ 49 тетрат и мѣсяца июля 12, на память святых мученик Прокла и Лариа и преподобнаго отца нашего Михаила Малеина. Тогда неплоднѣи мои руцѣ плод показаша, веснѣ убо настоящи, идеже цвѣти от древес процветоша, и явѣ еже от земля възращаемаа былиа, тогда и сѣемое семя по повѣлѣнию Божию, ино вокоренитися пот… …сти морю же и небеси яснѣишим бывати еже от земнаго по облачениа и мглы прѣменишимся церкве же, цвѣты приемлет богознаменитыя, книгу Типик о Святѣм Дусѣ начерътанную, по вся врѣмена знаменающую церковное украшение и чин, в славу единому прѣмудрому Богу в Троици пѣваемому нынѣ и в бесконечны вѣкы, аминь»

лл. 307–307 об.

Василий, подключник

Писцовая