БАН; Срезн.II.73, л. 484_писцовая запись

БАН; Срезн.II.73, л. 484_писцовая запись

БАН; Срезн.II.73, л. 484_писцовая запись

1495 г. Имя писца Закхея сообщено через цифровое значение составляющих его имя букв: 7 – «З», 1 – «А», 20 – «К», 600 – «Х», 5 – «Е», 8 – «И».

«Всевидцу и Прѣблагому Богу слава и величие, дръжава и область въ бесконечныя вѣкы, аминь. Давшому по начялѣ и конець всякому дѣлу благу, иже онемъ начинаему, сподобльшему и мене недостоинаго прѣплути пучину сию. Ненадежным надежа, Господи, слава Тебѣ. В лѣто 7003-е, круг солнцу 3, индикта 13, при благовѣрном и христолюбивем великом князи Иванѣ Васильевичи всея Русии, при святѣишем пресвященнѣм Генадии архиепископѣ Великого Новаграда и Пскова, егоже благословениемъ архиепископиа его миръ глубок приемлет. Церкви же Божиа православиа одеждею свыше истканною одѣяся, исправлением его и учениемъ и свѣтлѣется паче солнечных зареи и напаяется, яко от источника приснотекуща и съзывает вся с высоким проповѣданиемъ, глаголющи: жажаи да приидет къ Мнѣ и пиет. Написана бысть божественаа сиа книга четвероблаговѣстник в дому святаго Спаса в манастыри на Валамѣ по благословению господина игумена Якыма в дом святаго Спаса и преподобнаго чюдотворца Варлама, въ прѣчестнѣишую обитель на Хутино, повелѣниемъ раба Божиа господина Нафанаила игумена и всего священнаго събора. Прочитающе убо сию святую душепитательную божественую книгу милостиви и незазорливи, молюся, будите моеи ума немощи и недостатку , якоже и сами, господие мои, трѣбуете милости от Бога и прощениа от человѣкъ, прощению вашему и мене сподобляите и у Бога испрашаите оставление множеству моего окаанства грѣхом. Имя же мое въ инокых худаго написавшаго книгу сию, аще хощете увѣдати, начало тому есть число седморичное с первым, срѣда же двадесятно и шестьсот с пяторицею, накончевает же ся осморицею. Аминь».

л. 484

1495

Иоаким, игумен Валаамского монастыря (кон. XV в.)

Писцовая