Архив СПбИИ; ф. 115, ед. 1111, л. 1-3, писцовая запись

Архив СПбИИ; ф. 115, ед. 1111, л. 1-3, писцовая запись

Архив СПбИИ; ф. 115, ед. 1111, л. 1-3, писцовая запись

Запись 1553 г., писец Иоаким. Л. 1-2 на фальцах, та же бумага, что и в основном кодексе. Подобные записи чаще находились в конце рукописи. Текст на л. 3 написан в XVII в. (филигрань - Геральдическая лилия на щите под короной). Возможно, листы с записью Иоакима были переставлены в начало кодекса при новом переплетении Кормчей в XVII в.; при этом конец записи Иоакима был скопирован на новый л. 3.

«Зачало о Христѣ и конець. Изволениемъ Отца и поспѣшениемь Сына и совершениемь Святого Духа, молитвами Пречистыя Владычица нашея Богородица и Приснодѣвы Мариамъ, и святых апостолъ, и святых отець, взаконивших намъ правила сиа, простирается и неплоднаа десница благознаменныя цвѣты церкве преукрашенныя тростию начертати. Лѣту же тогда тичющу 7000 шестьдесят второму при державѣ благовѣрнаго и богохранимаго и христолюбиваго самодержьца православнаго царя и государя великаго князя Ивана Василиевича всея Русии, и при боголюбивом и святѣишем архиепископѣ Пиминѣ великаго Новаграда и Пьскова, благословениемь и изволением господина отца Възмищскаго архимандрита Ионы Гнильевскаго, снисканиемь и желаниемь сердечнымь устрояа и повелѣ переписати книгу сию Правила святыхъ апостолъ и преподобных отець. А писаны с Симановскых Правилъ рукою многогрѣшною // (л. 1 об.) инока Иоакима, постриженика Спаского Ефимьева манастыря Суждалскаго. Бѣ же изрядныи бысть рачитель божественному Писанию и велие бо желание имяше на совокупление книжное и на украшение церковное, печалуяся день и нощь и устрояя церковныи чинъ. И трудолюбнѣ снискавъ книгу сию, глаголемую Правила святых апостолъ и святых отець месяца октября в 30 день. Тогда бесплодие мое божественным промыслом плод показаша, веснѣ убо настоящи, идѣже цвѣти от древесъ процвѣтошя, и явѣ еже от земля възращаема былиа, тогда и сѣемое сѣмя по повелѣнию Божию и вкоренитися по тихости, морю же и небеси яснѣишимъ бывати, еже от зимнаго пооблачениа и мглы премѣншимся, и солнцю светлѣе просиавшу землю согрѣваеть и зелие ражает и цвѣты приемлет богознаменитыя. Книгу сию Правила о Святѣм Дусѣ начертанную, бес тоя бо книгы всякъ и не вницааи в ню умовитно уподобится тому, яко во тмѣ кто шатается, понеже вправду есть нарицаемыя Правила святых апостолъ и преподобных отець разсмотряюще, яко да нѣчто от сущих в правилѣх сихъ презрится // (л. 2) убо бесконечна, смертному же тлѣннаа от Содѣтеля наслѣдовати. Тѣм же подобаеть к симъ всегда прилежати же и привязовати душевное самодвижьство и не дати еи времене, да не присныхъ оставльше повелѣнии чюжаа нѣкаа примет. Таковое и въ словесѣх же и в дѣлехъ пребывающее, яже въ снѣхъ и въ привидѣниих мечтаниа божественнаа имѣти прилучятся. Таковое на себѣ проразумѣвъ и древле нѣкымъ от внѣшнихъ философъ реченое, на освященыя прелагаа законы и надѣася на ня, обрѣтохъ даръ Божии, повелѣние же смысленыхь и богоносныхъ мужь, исправлениа же волныхъ и неволных грѣхъ, и житиа же благочестиваго, и к бесконечному ведуща животу извѣстно правило успѣшно вручихъ, иже в различнаа времена бывшимь святымъ соборомъ десяти, на извѣщение спасенаго повелѣниа и на благое учение всѣмъ человекомь изложена богоноснаа правила во едино сведъ, коегождо собора имении наречению послѣдствующаа ему подложивъ. Не токмо же се, но и глаголемаа святых апостолъ правила, аще и нѣции сиа противна нѣкыхъ ради винъ вмѣнишя, и еже левиистѣмъ Хархидонѣ бывшаго в лѣта Оно// (л. 2 об.)рья и Аркадиа, иже въ благочестивнѣи памяти святого собора обрѣтъ, велику же и многу ползу ввести в житии могущаа повелѣвша. Аще и нѣкаа от нихь от тѣхь мѣстъ житии и строении приносится, нѣкаа же ко исправленымь обещно же и особно, и иже во инѣхь областехь держимое церквами строение является. От них же и се едино есть повелѣное ими, яко пѣвцемъ или четьцомъ въ причетъ приводимомъ, сирѣчь в поповьство по всему образу преже таковаго поставлениа сдержатися от совокупльшися с ними законныхъ женъ. Се же не заповѣдию, но по своеи воли тѣма лицема, рекше мужеви и женѣ комуждо, и сиа воздержаниа или боголюбиваго ради житиа или непорочнаго сочтаниа, има же и брачнаа съчестьвна устраяются. Порока ни единого праведнаго бывающаго ради не имущее, и то к сему же совокупихь по тщанию, добрѣ вмѣнивъ купно помянути, и яже от нѣкихь святыхъ отець особно в посланиихь вопроси же и отвѣти благочестии речена быша и нѣкымъ образомъ правила уставъ даровати могуща, не неразумѣю убо, якоже великима Василию же и Григорию мнится. // (л. 3) По нѣкоеи винѣ мало или велико, но да сохранится непредткновенно и непреложно по вся времена знаменающе церковное украшение и чинъ въ славу единородному Богу въ Троицы пѣваемому нынѣ и в бесконечныя вѣки. Вы же, Отцы святи и братия, егда божественная сия Писания проходите, и аще погрѣшение обрящете или неудобрение узрити, не порцыте Бога ради тягости на душу мою, вамъ бо сию оставих удобрити и украсити. Богъ же мира и любве да будетъ съ Духом вашим, братия. Аминь».

л. 1-3

1553

Иоаким, писец, постриженик суздальского Спасо-Евфимиева монастыря

Писцовая