Евангелие Вуканово, РНБ, F.п.I.82, л. 189 об._писцовая запись

Евангелие Вуканово, РНБ, F.п.I.82, л. 189 об._писцовая запись

Евангелие Вуканово, РНБ, F.п.I.82, л. 189 об._писцовая запись

В пространной записи писец Симеон сообщает о своем монашестве. Имя заказчика жупана Вукана было стерто, что позволяет исследователям предполагать, что изначально кодекс предназначался для его брата, Стефана Неманича. Запись выполнена мелким почерком, с лигатурами, что отличает ее от письма Симеона в основном текста. Очевидно, что писцу необходимо было разместить окончание месяцеслова на лицевой стороне л. 189, а запись - на оборотной стороне, поэтому он увеличивает количество строк и делает письмо более плотным. Если в основном тексте на листе размещается от 22 до 30 строк, то на л. 189 - 45 строк, а на л. 189 об., где находится запись - 51 строка.

«Понеже мнози наченше книги и повѣсти дѣяти, яже о извѣстьныхь вещехь, слючи се и мнѣ, грешьному присно унылому и хуждьшюму всѣхь и нидостоиному назвати се именеми симь мьниха Симеона, вьзвѣстити вса по реду, яже сьврьши владыка всѣхь: прошениемь и молениемь мене грѣшьнаго Симеона старьца, бышаго ме нѣкогда в мирѣ, и еще бо ми сущю не разлючену от рода, ино моление мое не бѣше токьмо: Господи Исус Христось, сподоби ме недостоинаго достоину быти подьети иго твое на се. Онь же яко благь и милостивь рекы: гредущаго [по] мьне не иждену в [ад?]ь, испль[ни] желание мое вьскорѣ узе и об[…] то же чаяхь за многие дьни. И еще сущу ми у манастир[и] вь общежити, и паки ужделѣвьшю ми се, понудихь се изити изь манастира и одь братие и послѣдовати Богу. Не помиловахь себе, ни пощедѣхь немощьные старости [ма?]тере своее за име […] и любимую братию оставихь и сестры и ину прочю [п]рис[н]ь, да сьбудеть се глаголемое не пророкы, ни апостолы, ну самѣмь Господемь нашимь Исус Христомь: всакь, оставлеи матерь и братию, ина прочая, и по мнѣ шьдь, сто крать приеть животь вѣчьны. Давидь бо пишеть: кая польза у крьви моеи, егда сьниду вь истьлѣние, еда исповѣсть ти се прьсть, или вьзвѣстить истину твою? Се врѣме покаяния настоить, яко нѣсть у сьмрьти поминаеи тебе, вь адѣ же кто исповѣсть ти се. И вся сьмысливьшю ми подобихь се страньнь быти кь своему родителю и брати, приемле досаждение и укорение и оба[че] оклеветание одь зьлыхь чловѣкь, а одь врага напасти и брани и паче всѣхь. Ну азь та вса вземлю за име Христово, поменуе [сло]во Давидово: яко тебе ради поругань быхь вьсь дьнь, и паки: туждь быхь знаемымь моимь, и страньнь сынь матери моеи. Симь же всѣмь сьврьшивьшимь се мною грѣшьнымь сподобихь се жити у Пеки у градѣ Расѣ, и написахь сие книге своему господину велиему жупану (стерто около 10 строк). О неизреченьные Богу и божьствьные таины чюе[…]ем[…]ь самодрьжьныхь властелѣхь, тѣмь же изреку о нихь, ужасаю се зѣло умомь же и словомь, обаче дрьзнухь вьспоминаю величия ихь и подвигы душевьные, яже сьврьши небесьны царь о таковѣхь властелѣхь, понеже владыкы […]а Господь нашь Исус Христось по неизьмѣрьнѣи его милости и по изволению прѣсветые госпоже Богородице прѣдасть Христось чьстьны вѣньць велиему жупану Вльку, владычьствующю ему своею срьбьскоовь землею, и Зетьскоовь страноовь, и Поморьскыми градь, […] и Нышевьскими прѣдѣлы велеродьному, велеславьному велиему жупану Вльку, сына самодрьжьнаго господина области своее Стѣфана Немане».

Л. 189 об.

Ок. 1202 г.

Симеон, монах (серб. XIII в.)

Писцовая